Sheshenstan respýblıkasynyń parlamenti energetıkalyq sýsyndar satý men taratýǵa zańdy túrde aıyppul engizdi. Bul týraly ITAR-TASS tilshisine respýblıka Jıyny baspasóz qyzmeti habarlady.
Otyrysta energetıkalyq sýsyndy búkil Reseı terrıtorııasynda satýǵa tolyq tyıym salý jóninde Reseı Federasııasy Memlekettik dýmasyna usynys berý jóninde sheshim qabyldandy.
«Búgin parlament «Sheshen respýblıkasynyń «Alkogolsiz jáne álsiz alkogoldi salqyndatýshy sýsyndardy bólshek saýda salasynda satý men taratýdy shekteý» týraly zańyna ózgerister engizý týraly» zań jobasyn qarady. Túzetý atalmysh zańdy buzǵandardan ákimshilik jaýapkershilik talap etýge múmkindik beredi», - dep atap ótti baspasóz qyzmeti.
Sheshenstan aýmaǵynda energetıkalyq sýsyndardy satý men taratýǵa salynatyn aıyppuldardyń kólemi 1,5 myń rýblden 2 myń rýblge deıin barady. Bul mólsher laýazymdy tulǵalar úshin 3 myńnan 4 myńǵa deıingi aralyqty qamtıdy. Buǵan qosa, zańdy tulǵalar úshin 30-40 myń rýbl kóleminde aıyppul salyp, taýarlardy tárkileý qarastyrylǵan.
Murat Aıtqoja.
Derekkóz: ITAR-TASS.
Foto: ITAR-TASS/Grıgorıı Sysoev.