Astana qalasynda deni saý 40 bala jalǵan qujatpen múgedek balǵyndarǵa arnalǵan ońaltý ortalyqtarynda tárbıelenip kelgen. Bul týraly «Qazaqstan» telearnasy habarlady.
Astana qalalyq prokýratýrasy tekserý barysynda elordada múgedek balalarǵa arnalǵan arnaıy bilim berý uıymdarynyń tapshy ekenin anyqtady. Al osy baǵytta jumys istep jatqan bilim oshaqtarynyń materıaldyq-tehnıkalyq bazasy men sanıtarlyq jaǵdaıy syn kótermeıdi. Sonymen birge, sýrdolog, logoped syndy mamandar jetispeıdi.
Qazir Astana qalasynda 7 myńnan asa múmkindigi shekteýli balalar turady eken. Sońǵy 3 jylda olardyń sany 16 paıyzǵa ósken.
«Múgedek balalarǵa arnalǵan ońaltý ortalyǵyn teksergende birqatar kemshilikter anyqtaldy. Máselen, dári-dármekti satyp alý zańdylyǵy buzylǵan. Buǵan qosa, birqatar bilim oshaǵynyń lısenzııasy talapqa sáıkes emes ekeni anyqtaldy»,- deıdi Astana qalalyq prokýrorynyń aǵa kómekshisi Sholpan Kóshenova.
Ámirhan Almaǵanbetov.
Derekkóz: «Qazaqstan» telearnasy.
Foto: www.Inform.kz.