О́zgeniń kóshinen qalyp ketpeý úshin ózgeriske daıyn bolý – zaman talaby. Elimizde sońǵy ýaqytta bolyp jatqan jaǵdaılar tek memlekettik organdar ǵana emes, partııalardan da, jekelegen tulǵalardan da ózgeriske beıimdelip qana qoımaı, sol úrdistiń bir bólshegi bolýdy talap etedi.
Keshegi ótken Nur Otan partııasynyń sezi de sonyń aıqyn dáleli. Jıyn barysynda Memleket basshysy, partııa Tóraǵasy Qasym-Jomart Kemeluly aıtyp ótkendeı, elimizdiń Ortalyq Azııada kóshbasshy memleket retinde qalyptasýyna barynsha yqpal etken partııamyzdyń Jańa Qazaqstandy qurýdaǵy róli aıqyndaldy.
Osy ýaqytqa deıin kóshbasshy bolyp kelgen Nur Otan partııasy ataýynyń «Amanat» bolyp ózgerýi de jaqsylyqtyń nyshany bolmaq. Sebebi partııa Tóraǵasy bizdiń tikeleı mindetimizdi esimizge saldy. Ol – halyq aldynda bergen ýádeni oryndaý.
Ata-baba amanatyn saqtap, ony keler urpaqqa nasıhattaýǵa mindetti bolsaq, halyqtyń partııaǵa artqan senimin de dál solaı amanat dep qabyldap, saılaýaldy baǵdarlamamyzda kórinis tapqan barlyq mindetterimizdi oryndaý, halyqtyń ál-aýqatyn jaqsartýdy tek ádemi sózdermen, ınfografıkalarmen, beınerolıktermen nasıhattamaı, is júzinde nátıjege qol jetkizip, saılaýshylarymyzǵa paıdaly bolý jaýapkershiligi júkteldi.
Odan bólek sezd barysynda Jas Otan-nyń, Jas depýtattar korpýsynyń atynan osy ýaqytqa deıin sheshilmeı kele jatqan jastarǵa qatysty máseleler kóterildi. «Memlekettik jastar saıasaty týraly» zańnyń kúshi men áreket etý aýqymynyń tar ekeni burynnan málim. Alaıda jastardyń tarapynan bul máseleni sheshýge qatysty usynystar eskerilmeı jatqany da daýsyz.
Kezekten tys sezd barysynda aıtylǵan problemalar oń sheshimin tabady dep senemiz. Sebebi jahandaný jaǵdaıynda jastarymyzdyń damyp jetilýine, ýaqytyn durys uıymdastyryp, áleýetin durys jolǵa baǵyttamasaq, olardy joǵaltyp alýymyz ábden múmkin. Al ózgerister kezeńinde jańa kadrlar, elimizdiń erteńin senip tapsyra alatyn kóshbasshylardy tárbıeleý erekshe mańyzǵa ıe.
Nurjan JETPISBAEV,
Jas Otan Jastar qanatynyń tóraǵasy