Memleket taǵdyryn sheshetin betburys

Prezıdent endi qoǵam da, adam da burynǵydaı ómir súre almaıtynyn baǵamdady. Sondyqtan da Qazaqstandy jańǵyrtý jolyn tańdady. Bul ne? Qandaı baǵyt? Bul týraly sońǵy jyldary ekonomıkada saıası reforma turǵysynda jasalǵan alǵashqy qadamdardy aıtsaq ta jetkilikti. Aýyl ákimderiniń saılaýy ótti, saıa­sı partııalardyń rólin kóterýge baǵyttalǵan zańnamalyq qadam­dar da jasaldy. Endi aýdan ákimderi saılanatyn bolady. Kóleńkeli ekonomıkamen kúres, korrýpsııa­­ny quryqtaý, ádil qoǵam qurý maq­saty da qoıyldy. Mine, osy jolda Memleket basshysy jańa baǵyt, jańa jol tańdady.

Ishki jáne syrtqy ekstremıs­tik, terrorıstik, lańkestik áreket­ter­diń sebebinen Qazaqstannyń buryn­ǵydaı ómir súre almaıtyny belgili. Qazirgi qalyptasqan jaǵdaıǵa qaraı, partııa Tóraǵasy Nur Otan partııasynyń kezekten tys sezin shaqyrdy.

Prezıdent Jańa Qazaqstan – jańa qoǵam tujyrymdamasyn usyndy.

Nur Otan partııasynyń kezekten tys sezi onlaın formatta ótti. Oǵan respýblıkamyz­dyń barlyq óńirinen 399 delegat qatysty. Kún tártibinde eki máse­le qoıyldy. Par­t­ııa saıa­sı keńesiniń qura­myna ózgeris en­gizildi. Partııa­ny modernızasııa­laý máselesi qaraldy. Memleket basshysy partııa óziniń tarıhı mıssııasyn oryndaǵanyn atap ótti. Endi partııanyń aty Amanat dep ózgertildi. Bul sózdiń astary men mazmuny tereń. Amanat – halyq senimi, qoǵam tiregi, jaýap­­kershilik pen ádilettilik kepili. Endi partııanyń aty ǵana ózgerip qoımaı, onyń jumys isteý tásil­deri de jańǵyrady. Partııa men halyq­tyń birligi jaqyndaıdy. Ol qoǵam­dyq ózgeristerdiń, bola­shaqta júr­giziletin barlyq júıe­lik ózgeris­terdiń basynda turatyn jańa partııa bolmaq. «...Zaman, qoǵam, adam ózgerip jatqanda par­tııanyń ózgerýi zańdylyq. ...Saıası uıymnyń ataýyn Amanat dep óz­gertý usynyldy. Jasyratyn esh­teńe joq. Men de bul máselege qatysty pikirtalasqa qatystym. Bir­neshe usynys boldy. Sonyń ishin­de Amanat degen ataýǵa toqta­dyq», dedi Prezıdent óz sózinde.

Iá, endi ol ulttyq qundylyq­tardy damytýǵa negizdelgen partııa bolmaq.

Árıne, álemdi alańdatyp otyr­ǵan másele: Reseı-Ýkraına qarym-qatynasy men soǵysy. Par­tııa sezinde Memleket basshysy bul taqyrypty aınalyp ótken joq. «Biz eki memleketti kelissóz úste­­linde ortaq til tabysýǵa, ýaǵda­­las­tyq pen kelisimge kelýge shaqy­ramyz. Basqa jol joq», dedi Q.Toqaev.

Sezde kóterilgen máseleler­diń biri máslıhattardaǵy partııa depýtattarynyń reıtıngisin kópshilikke jarııa etý baǵyty boldy. Jańa Qazaqstan bolashaǵy ult pen memleket taǵdyryn sheshetin betburys bolatyny sezde atap ótildi.

Eýropa men Batystyń Reseı tarapyna salyp jatqan sanksııa­lary Qazaqstanǵa áser etpeı qoımaıdy. Bul máseleni Memleket basshysy partııanyń sezinde ashyq aıtty. Ol Qazaqstan ekonomıkasy sanksııa jaǵdaıyndaǵy qıyndyqtarǵa daıyn bolýy qa­jet dep eskertti. Daǵdarys jaǵ­daıyna qaramastan Qazaqstan qıyn­dyqtardan qınalmaı ótýge tıis ekenin málimdedi. Osyǵan oraı Úkimetke naqty tapsyrmalar beril­gendigin atap ótti.

Birlik bar jerde tirlik bolatyny belgili. Prezıdenttiń oıyn­sha, qıyndyqtardy azaıtpaı da, kóbeıtpeı de birlese jumys iste­gende ǵana ony jeńýge bolady.

Árıne, el men jer máselesi úlken ekonomıkalyq, saıası jáne rýhanı ózgeristerdi talap etedi. Aýyldy kóterý, jastardy aýylǵa turaqtandyrý – pragmatıkalyq saıası másele. Sondyqtan da sezde aýyl jastaryna arnalǵan «О́rleý» jańa partııalyq jobasy usynyldy. Bul – shynynda da nazar aýdarar­lyq jańa baǵyt. Partııanyń jarǵy­sy­na tıisti ózgertýler jasalady. Bul – zaman talaby. Sondaı-aq 2030 jylǵa deıingi «Baqýatty qoǵam: 10 jyldyqtyń 10 maqsaty» jáne «2025 jylǵa deıingi jemqorlyq­qa qarsy is-qımyldar» baǵdar­la­masy da jańǵyryp, jańa tur­pat­ta mo­dernızasııadan ótetin bolady. Jalpy, partııanyń bul sezi halyqtyń kútken máselelerin kóterdi ǵoı dep oılaımyn.

Baqytjan JUMAǴULOV,

Senat depýtaty