О́zgerý – ómir talaby. Endeshe, Nur Otan partııasynyń ózgerýi de zańdylyq. Kópshiliktiń kútkeni de osy.
Bul – bıliktiń partııasy. Biraq osy bir basymdyqty partııa eldiń áleýmettik-ekonomıkalyq damýy jolynda durys paıdalanǵan emes. Sondyqtan jańarǵan partııadan halyq kóp úmit kútedi.
Partııa endigi jerde jańa prınsıpterdi ustanýy kerek. Bul jerde partııa músheleriniń sany emes, sapasy úlken mańyzǵa ıe. Partııa bılik pen buqaranyń arasyna shyn maǵynasynda altyn kópir bolýy kerek. Iаǵnı burynǵydaı memlekettik qyzmetshilerdi, muǵalimderdi, bıýdjettik sala qyzmetkerlerin májbúrlep, mindettep partııaǵa qabyldaýdyń qajeti joq. Bul ushpaqqa shyǵaratyn jol emes. Adamdar partııaǵa saıası kózqarasyna baılanysty óz erkimen kelýge tıis.
Men bul partııanyń múshesi emespin. Buǵan deıingi bastamalaryn da asa bir qoldaǵan joqpyn. Ol endi basqa áńgime. Dese de eldiń azamaty retinde endigi jerde oń ózgerister kútemin. Partııaǵa múshe bolý ádepki dúnıe emes, abyroıly qadamǵa aınalýy kerek. Iаǵnı partııaǵa múshe bolyp qabyldanatyn árbir adam «lábbaı, taqsyrlap» emes, eldi, qoǵamdy ózgerte alatyndaı naqty maqsat-múddemen, usynys-tilekpen kelýi kerek.
Partııa halyqpen tyǵyz jumys istep, el ishindegi áleýmettik-ekonomıkalyq máselelerdi sheshýge belsene aralasýy kerek. Ol úshin Parlamenttegi, jergilikti máslıhattardaǵy yqpalyn tıimdi paıdalanýy kerek. Eger partııa burynǵy qalpynan ózgermeı jumys istese, bıýrokratııalyq kedergilermen kúrespeı, halyqtan alystaı berse, bolashaǵy da bulyńǵyr bolmaq.
Dál qazirgi ýaqytta Amanatqa shynaıy halyqtyq partııaǵa aınalatyn tamasha múmkindik týyp tur. Sony durys paıdalanady degen oıdamyz.
Talǵat DEMESINOV,
ekonomıst