Partııanyń ataýy ǵana ózgergen joq, eń bastysy onyń máni men jumysynyń mazmuny da ózgermek. Áıtpese, basqasha bolmaıdy! Biz elimizde júıelik saıası transformasııa júrip jatqanyn, olıgarhtardyń ekonomıkasy quldyrap jatqanyn túsinýimiz qajet, eń bastysy biz naq halyqtyń ózi memlekettik bıliktiń qaınar kózine aınalatyn ádil demokratııalyq qoǵamdy qurýǵa bet alamyz.
Bul jaǵdaıda bıliktegi partııa qalaısha ózgerissiz qalmaq?! Amanat degen ataýdyń ózi – ata-baba murasyn saqtap, onyń qundylyqtaryn oryndaý degendi ǵana bildirmeıdi, halyqtyń úmitin aqtap, múddesin qyzǵyshtaı qorǵaıdy. Sondyqtan eń aldymen, bul jańarǵan partııa halyqtyń senimin qaıtara alýy tıis.
Búgin Memleket basshysy Qasym-Jomart Toqaev aıtqandaı: «Partııanyń rebrendıngi – bul onyń ataýyn ózgertip, mańdaıshasyn aýystyrý ǵana emes. Birinshi kezekte – barlyq partııa isin qaıta qurý».
Aqylbek KÚRIShBAEV,
Senat depýtaty