Memleket basshysy Qasym-Jomart Toqaev elimizdegi Nur Otan partııasynyń kezekten tys sezinde uıymnyń qazirgi kezeńdegi jańasha saıasaty men baǵyttaryn atady.
Partııanyń halyqtyń múddesine oraı qyzmet atqarýy Prezıdent sóziniń negizgi ózegin qurap, osy ıdeıany meılinshe tarqatyp jetkizip, onyń negizgi strategııalyq mazmunyn baıandady.
Mysaly, eń aldymen partııany Amanat dep atalýyna baılanysty utymdy oılaryn usyndy. Bul – qazaq uǵymyndaǵy úlken sóz. Iаǵnı partııa halyqtyń amanatyn oryndaýshy saıası qurylym retinde osy uǵymnyń údesinen shyǵýǵa tıis.
Sonymen qatar fraksııa jumysyn belsendi etý, mindetterdi shynaıy oryndaý jáne azamattardyń múddesi men eldiń órkendetýdegi róli men mańyzyn arttyrý da Prezıdent baıandamasynyń negizgi arqaýy boldy. Memleket basshysy partııa jumysyn halyq ıgiligine qurýǵa aıryqsha mán berdi.
Endigi ýaqytta partııa músheleri osy mindetti oryndaýǵa belsene kirisedi dep oılaımyz.
Erbol TILEShOV,
Sh.Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń bas dırektory