Memleket basshysy Qasym-Jomart Toqaev Nur Otan partııasynyń kezekten tys sezinde osynaý saıası uıymnyń ataýyn Amanat dep ózgertýdi qoldady.
«Amanat sóziniń – maǵynasy tereń, halqymyzdyń tarıhy men mədenıetinde erekshe oryn alady. Ol babalarymyz ósıet etken təýelsizdiktiń məńgi arman-muraty, qýatty memlekettiliktiń jəne jalpyulttyq tutastyqtyń, keń-baıtaq Otanymyzdyń qundylyǵy retinde sıpattalady. Biz osy baǵa jetpes muramyzdy saqtap, nyǵaıtýǵa tıispiz. Bul – bizdiń aǵa býyn men óskeleń urpaq aldyndaǵy qasterli boryshymyz. Sondyqtan men partııamyzdy resmı túrde «Amanat» dep ataýdy tolyq qoldaımyn», dedi Memleket basshysy.
Saıası partııanyń ózgerýi – qoǵamda bolyp jatqan ózgeristerdiń bir bóligi. Prezıdent partııanyń ataýy ózgerýimen qatar, onyń ishki qundylyqtary da nazarǵa alyný kerek ekenin, ishki fýnksıonaldyq júıesi de qaıtadan qaralýy kerek ekenin jetkizdi. Sebebi partııalyq júıe rasymen de, memlekettik basqarý júıesin qaıtalap keledi. Iаǵnı partııa óziniń negizgi qyzmetinen aýytqyp ketti deýge bolady. Anyǵynda saıası partııanyń negizgi qyzmeti qoǵam men bıliktiń arasyndaǵy altyn kópir, ashyq alań bolý edi. Sol sebepti bul ózgerister eń aldymen, saıası partııanyń negizgi qyzmetine qaıtyp kelýine, ekinshiden, jańa zamanǵa saı tásilderdi qoldana bastaýǵa baǵyttalýǵa tıis. Talqylanatyn máseleler áleýmettik jelilerde, ashyq alańdarda emes, ınstıtýsıonaldy memlekette bar ınstıtýttar arqyly júzege asýy kerek. Sondyqtan basa nazardy Prezıdent Parlament pen máslıhattarǵa aýdardy. Bular tek formaldy resýrs emes, adamdardyń negizgi maqsattaryna, qundylyqtaryna jumys isteýge tıis. Endeshe bul tek formaldy ózgerister emes, sapany jaqsartýǵa baǵyttalǵan qadamdar.
«Partııa apparatynyń jumysynda bıýrokratııanyń teris sıpattary anyq kórindi. Jelilik kesteler, esep berý jəne qaǵaz júzindegi is-sharalar saılaýshylarmen tikeleı jumys isteýdi ekinshi orynǵa syrǵytty. Jumysqa qulshynyp turǵan azamattar óz oryndaryn darynsyz fýnksıonerlerge berýge məjbúr boldy. Sondyqtan ortalyq apparattyń fılıaldarmen jəne bastaýysh partııalyq uıymdarmen ózara is-qımyl ədisterin tolyǵymen qaıta qaraý qajet. Bıýrokratııa men qaǵazbastylyqtan úzildi-kesildi bas tartý kerek», dedi Prezıdent. Osylaısha, partııanyń kadrlyq jumys máselesine de basa nazar aýdaryldy. Shyn mánisinde, saıası partııalyq jumys – qoǵamdyq jumys, qoǵammen, adamdarmen, ártúrli áleýmettik toptarmen isteıtin qyzmet. Sebebi bul qyzmet óndiris ne bolmasa shıkizat aınalasyndaǵy jumys emes. Qoǵamdyq jumys degenińiz adamnan, qyzmetkerden ózgeshe qasıetterdi talap etedi.
Máselen, ondaı qyzmetkerge joǵary kommýnıkasııa, bilim, ártúrli áleýmettik toppen sóılesýge qabilet qajet. Oıyn ashyq jetkizýi, adamdardyń sana-sezimine, qundylyqtaryna saı isteıtin áreketteri bolýy kerek. Partııanyń qundylyqtary men baǵdarlamasyn elge jetkize bilýge jáne kerisinshe, qoǵamnyń muqtajyn partııanyń resýrsy arqyly sheshýge tyrysýǵa, soǵan umtylýǵa tıis. Sol sebepti partııaǵa kadr irikteý kezinde osyndaı máselelerge barynsha mán bergen jón. Prezıdent aıtyp ótkendeı, sonda ǵana fýnksıoner emes, kózi janyp turǵan jalyndy azamattar jumysqa naqty kirisedi.
Partııa qoǵamnyń bir ınstıtýty retinde, onyń ishinde partııalyq áleýmettik lıftter bolýy kerek. Adamdar partııaǵa bireýdiń muqtajdyǵynan kelmeıdi. Árbir azamat meniń oı-pikirim osy partııamen úndesedi, osy partııa arqyly ózimniń paıymymdy jetkize alamyn degen kezde ǵana sanaly túrde saıası ınstıtýtqa qosylady. Sol sebepti qazirgi ózgeristerden úlken úmit kútemiz. Qoǵamda betburys bastaldy. Budan bylaı áleýmettik toptardyń narazylyǵy alańdarda emes, saıası ınstıtýttarda aıtylady degen úmittemiz. Bizde ondaı ınstıtýt bar. Tek júıeli qoldana almaı otyrmyz. Endigi másele sony bir júıege keltirý bolyp otyr. Jańa tásilderge, tyń qadamdarǵa barǵan jón. Ortalyq apparat pen fılıaldyń arasyndaǵy qarym-qatynas ózgerýge tıis.
Aıgúl SÁDÝAQASOVA,
áleýmettanýshy