Memleket basshysy Qasym-Jomart Toqaev Qazaqstan halqyna Joldaýynda Úkimetke daǵdarysqa qarsy birinshi kezektegi sharalardyń keshendi josparyn daıyndaýdy tapsyrdy, dep habarlaıdy Egemen.kz.
«Bizdiń elimizde aýqymdy daǵdarysty eńserý úshin barlyq qajetti rezervter men quraldar bar. Úkimet shuǵyl túrde daǵdarysqa qarsy birinshi kezektegi sharalardyń keshendi paketin iske asyrýǵa mindetti. Eń aldymen, ulttyq valıýtanyń turaqtylyǵyn qamtamasyz etý qajet. Naryqtaǵy alypsatarlyq eshbir jaǵdaıda bizdiń rezervterimizge áser etpeýi kerek. Úkimet, Ulttyq Bank, Qarjy naryǵyn damytý jáne retteý agenttigi osy baǵytta batyl sharalar qabyldaýy qajet», dedi Prezıdent.