Reseı resmı túrde Eýropa Keńesinen shyǵaryldy. Anonımdi daýys berý arqyly tıisti sheshimdi uıymnyń Mınıstrler komıteti qabyldady, dep habarlaıdy Egemen.kz.
«16 naýryzdan bastap Reseı Federasııasy Eýropa Keńesiniń múshesi bolýdy toqtatady», dep jazady TASS.
Búgin tańerteń KMSE kezekten tys otyrysynda Eýropa Keńesi Jarǵysynyń 8-babyna sáıkes bastalǵan rásim aıasynda Reseı Federasııasy uıym jumysyna 26 jyl qatysqannan keıin búginnen bastap Eýropa Keńesiniń múshesi bolýdy toqtatady dep sheshti.
Reseı SIM 10 naýryzda Eýropa Keńesiniń qaıtarymsyz joıylatynyn aıtyp, Reseıdiń uıymǵa qatysýyn toqtatatynyn málimdedi. Máskeýdiń ustanymyna túsinikteme bere otyryp, mınıstrlik batystyń ústemdigi men narsıssızmin sebep retinde atady.
Aıta ketsek, Reseı Eýropa Keńesiniń quramyna 1996 jyly kirdi. Eki jyldan keıin el adam quqyqtary men negizgi bostandyqtaryn qorǵaý týraly Eýropalyq konvensııany ratıfıkasııalap, gýmanızm men demokratııa qaǵıdattaryna degen adaldyǵyn rastaǵan edi.