Qazaqstan Prezıdentiniń el halqyna arnaǵan Joldaýy tarıhı qujat ekenin erekshe atap ótkim keledi. Ol Qazaqstannyń odan ári damýyna baǵyttalǵan. Reformalar birqatar baǵyt boıynsha, onyń ishinde, saıası, saılaý, sot-quqyqtyq júıe, el óńirlerin damytý syndy máselelerdi qamtydy.
Sonymen birge Qazaqstan Respýblıkasy Táýelsizdiginiń 30 jyldyq tarıhynda jınaqtalǵan tájirıbeni eskere otyryp, damyǵan el qurýǵa baǵyttalǵan sharalar jaıly aıtyldy. Bul úshin barlyq negiz bar. Ashyǵyn aıtqanda, bul bir jyldyń isi emes, odan kóp ýaqytty talap etedi. Jalpy, Qazaqstannyń saıası, ekonomıkalyq ómirinde bastalǵan reformalardyń júıeli ekenin kórip otyrmyz.
Qazaqstan Prezıdenti Qasym-Jomart Toqaev óziniń alǵashqy jáne ekinshi Joldaýynda da mindetterdi bólisý týraly aıtqany belgili. Májilis depýtattarynyń ókilettigi artyp, qos palatada da ózgerister bolady. Bul reformalardyń barlyǵy Qazaqstan Konstıtýsııasyna 30-ǵa jýyq tolyqtyrý men ózgeris engizýdi qajet etedi. Odan bólek BAQ, saılaý týraly zańnamalarǵa engiziletin túzetýler taǵy bar. Joldaýda kópshilikpen jumys isteýge erekshe kóńil bólingeni qýantady.
Qazaqstanda qolǵa alynǵan reformalar ekonomıkalyq jáne aımaqtyq qaýipsizdik turǵysynan ózge Ortalyq Azııa elderine áser etpeı qoımaıdy. Qazaqstan – aımaqtaǵy ekonomıkalyq kóshbasshylardyń biri. Ortalyq Azııa elderiniń ekonomıkasy bir-birimen tyǵyz baılanysta. Qazaqstannyń turaqtylyǵy men damýy aımaqqa tikeleı áser etedi. Prezıdent Q.Toqaev aıtyp ótkendeı, búgingi ahýal kún, saǵat sanap ózgerip jatyr. Qabyldanyp jatqan sheshimder turaqtylyqty saqtap, ekijaqty qarym-qatynasymyzdy nyǵaıtýǵa baǵyttalatyny anyq.
Saıdıkram NIIаZHODJAEV,
О́zbekstan Respýblıkasynyń Qazaqstandaǵy Tótenshe jáne ókiletti elshisi