Qaraǵandy oblysynda álemde qalyptasqan qazirgi kúrdeli jaǵdaıǵa baılanysty eksporttaýshy kásiporyndarmen tıimdi qarym-qatynasta jumys isteý maqsatynda jedel shtab qurylǵanyn óńir basshysy Jeńis Qasymbek apparat jıynynda málimdedi.
Barlyq týyndaǵan máselelerdi jedel jáne izin sýytpaı sheship otyrýy tıis ortalyqtyń jumysyna oblys ákiminiń orynbasary Ermek Alpysov jaýap beredi.
О́ńir basshysy jańa qurylǵan jedel shtabtyń aldynda jumys oryndaryn saqtaý, azamattarymyzdyń ál-aýqatyn arttyrý syndy asa mańyzdy mindetter turǵanyn atap ótti.
– Bizdiń kóptegen kásipornymyz syrtqy naryqpen tyǵyz baılanysqan. О́ńirde jedel shtab qurdyq, ótken aptadan bastap ol jedel jumys istep keledi. Biz árbir eksporttaýshy kásiporynmen, barlyq iri jumys berýshilermen kúndelikti baılanysta bolamyz. Jaǵdaıdy monıtorıngileý, eksporttyq ónimdi jóneltýge jáne eńbek ujymdaryndaǵy jaǵdaıǵa baılanysty barlyq máseleni sheshýimiz qajet. Bul – álemdegi qalyptasqan jaǵdaıǵa baılanysty mańyzdy másele. Eń bastysy – jumys oryndaryn saqtaý, azamattarymyzdyń ál-aýqatyn arttyrý, – dep málimdedi Jeńis Qasymbek.
Sonymen birge óńir basshysy qalalar men aýdandardyń ákimderine barlyq ónerkásiptik kásiporyndarmen tyǵyz baılanysta jumys isteýdi sondaı-aq ishki jáne syrtqy saýda kólemderine turaqty monıtorıng júrgizip otyrý qajettigin tapsyrdy.
Budan bólek ol kompanııalardyń ınvestısııalyq belsendiligine erekshe nazar aýdarylatynyn tilge tıek etti.
– Bıyl ınvestısııalar kólemi 850 mlrd teńge deńgeıinde josparlanyp, 2021 jyldyń nátıjesine qaraǵanda 40 mlrd teńgege ósedi. Bul mindetti biz oryndaýymyz kerek, – dep atap ótti oblys ákimi.
Jıynda oblystyq ekonomıka basqarmasynyń basshysy Azamat Muqanov óńirdiń eki aıdaǵy áleýmettik-ekonomıkalyq damý kórsetkishteri týraly baıandady. Ol keltirgen málimetterge saı, ónerkásip ónimi 6,5% ósimmen 760,3 mlrd teńgege óndirilipti. О́ńdeý ónerkásibinde jalpaq bolat prokatyn óndirý – 17,6%-ǵa, bolat óndirý – 7,8%-ǵa, shoıyn óndirý – 4,6%-ǵa, kalsıı karbıdin óndirý 2,9%-ǵa ulǵaıǵan.
Mundaı ósim aýyl sharýashylyǵy salasynda da baıqalǵan. Mysaly, jalpy ónim kólemi 27,1 mlrd teńgeni qurapty. Oblysta et jáne sút óndirisi artypty.
Qurylys salasynda aldyńǵy jyldardaǵy oń qarqyn saqtalǵan eken. Eki aıda 92,6 myń sharshy metr turǵyn úı paıdalanýǵa berilgen. Munyń ózi 2021 jyldyń sáıkes kezeńimen salystyrǵanda 0,4%-ǵa artyq.
Aldaǵy ýaqytqa dep mejelengen jospar da aýqymdy. Mysaly, 2022 jylǵa oblysta ekonomıkanyń 3,4% ósýin qamtamasyz etý mindeti tur. О́nerkásipte 4,3 trln teńge kólemine qol jetkize otyryp, eki paıyzdyq ósim belgilengen.
Ýaqyt talabyna saı qurylǵan jedel shtab eksporttaýshy kásiporyndarmen tyǵyz qarym-qatynasty saqtaı otyryp, jumys oryndarynyń jabylmaýyna, turǵyndardyń turmys kúıiniń tómendemeýine ıgi yqpalyn tıgizse, ony jemisin bergen sátti jobanyń biri dep senimdi túrde ataýǵa bolar edi.
Qaraǵandy oblysy