Qazaqstan Prezıdenti Qasym-Jomart Toqaevtyń memleketti jańartý jáne jańǵyrtý úshin usynǵan saıası reformalary óz maqsatyna jetetini sózsiz. Bul 30 jyldyq damýdyń berik negizine súıengen batyl jáne qoljetimdi jol kartasy deýge de bolady.
Qasym-Jomart Toqaev halqyn judyryqtaı jumyldyrýǵa kúsh salyp otyr. Ol qazaqstandyqtar sońǵy 30 jyl ishinde maqtan tutqan táýelsizdikti, beıbitshilikti, turaqtylyq pen kelisimdi qamtamasyz etý úshin reformalardyń qajettigin túsinedi. Ol bastaǵan saıası reformalar eldiń damýyn arttyrýǵa jol ashady.
Bizdi Qazaqstandaǵy «Qasiretti qańtar» oqıǵasy mazalaǵany ras. Sondyqtan Qazaqstan táýelsiz el retinde alǵa basýy úshin Prezıdent Q.Toqaev óz sózinde aqparatty shynaıy, ashyq jáne tolyq esepke alý, jarııalaý kerektigin aıtty. Sondaı-aq qylmysty ashýdy qamtamasyz etý boıynsha belgilegen qadamdary zań ústemdigin jáne eldegi adam quqyqtaryn odan ári nyǵaıtýǵa yqpal etedi, halyqtyń senimine ıe bolady.
О́ńirlik jáne jergilikti bılik organdary arasyndaǵy ókilettikterdiń, jaýapkershiliktiń jáne fıskaldyq ashyqtyqtyń odan ári arajigin ajyratý kez kelgen qazirgi zamanǵy el úshin alǵa bastaıtyn mańyzdy qadam ekeni daýsyz. Qýatty óńirler men jergilikti bılik organdary myqty jáne uıymshyl qoǵamdastyqtar qurady. Qazaqstandaǵy reformalardyń jańa paketi naq osyǵan baǵyttalǵan.
Danıel VITT,
AQSh-taǵy halyqaralyq salyq jáne ınvestısııalyq ortalyqtyń prezıdenti