Memleket basshysy Qasym-Jomart Toqaevtyń «Jańa Qazaqstan: Jańarý men jańǵyrý joly» atty Qazaqstan halqyna arnalǵan Joldaýynda aıtylǵan mańyzdy bólimderge toqtala ótsem, birinshiden, Prezıdenttiń Ulttyq quryltaı qurýdy, oǵan barlyq óńirden ókilder qatysatyndyǵy týraly usynysyn durys dep sanaımyn.
Ulttyq, memlekettik deńgeıdegi máseleler únemi kún tártibinde turýy qajet. Jergilikti jerdegi qordalanǵan máseleler tómennen joǵary qaraı jetip, sheshimin tabatynyna senemin.
Ekinshiden, Prezıdenttiń ókilettiligin qysqartyp, Parlament rólin aıtarlyqtaı arttyrýdy aıtty. Bul ózgeris – zaman talaby. Ret-retimen iske asyp, demokratııalyq júıeniń pisip-jetile beretindiginiń aıqyn kórinisi.
Úshinshiden, Prezıdent Konstıtýsııalyq sot qurýdy usyndy. «Bas prokýror men Adam quqyǵy jónindegi ýákilge de Konstıtýsııalyq sotqa júginý múmkindigin bergen jón. Bul bastamalar ádil ári quqyqtyq memleket qurý jolyndaǵy mańyzdy qadam bolady», dedi Prezıdent.
Tórtinshiden, halyqtyń kóńilinen shyqqan úsh oblys qurý máselesi de óte oryndy. Talaı dana, saıasatker tárbıelenip shyqqan Semeı óńirinde Abaı oblysyn qurý jáne baıtaq jerimizdiń dál ortasynda Ulytaý oblysyn qurý, sonymen qatar Almaty oblysyn ekige bólip, Jetisý oblysyn qurý mańyzdy sheshim dep esepteımin. Jáne Qapshaǵaı qalasyn Qonaev atyna ózgertý ıdeıasy óte oryndy.
Jalpy, Jańa Qazaqstandy qurýda árqaısysymyz eńbektenýimiz qajet. Ár adam ózinen bastap damyp, jetilip, eldiń damýyna qyzmet etýimiz kerek.
Ýálıhan BOLATBEK,
Jambyl oblystyq máslıhatynyń depýtaty