Memleket basshysy Qasym-Jomart Toqaevtyń Joldaýynda eldiń saıası júıesin jańǵyrtý máselesi ornyqty baıandalyp, «kúshti Prezıdent – yqpaldy Parlament – esep beretin Úkimet» formýlasyn berik ustaný arqyly memleketti demokratııalandyrý úderisindegi Prezıdenttiń ókilettiligin qysqarta otyryp, Parlamenttiń tómengi palatasynyń quzyretin joǵarylatý eldiń turaqty jan-jaqty damýyna ákelip, ishki saıası turaqtylyqty saqtaıtyny sózsiz.
Sonymen qatar Memleket basshysy birqatar ózgeris týraly aıtty. Bul kezeń tarıh betterine jazylyp, el damytýdyń jańa baǵytynyń – Jańa Qazaqstannyń bastaýy bolady.
Prezıdent halyqtyń pikirine qulaq asyp sheshim qabyldaǵanyn jetkizdi. Sonyń ishinde jańadan oblystar qurylýynyń, olarǵa Abaı, Ulytaý, Jetisý sııaqty ataý berilýiniń astarynda zor maǵyna bar. Erekshe bir aıta ketetini, Qapshaǵaıdyń ataýyn asa kórnekti memleket jáne qoǵam qaıratkeri Dinmuhamed Qonaevtyń atyna berýdi usyndy.
Halyqtyń pikirine qulaq asatyn bıliktiń árdaıym mártebesi joǵary bolady dep oılaımyz. Barlyǵy birden bolýy múmkin emes, sol úshin atqarylatyn jumysty, alǵa qoıylǵan aýqymdy mindetterdi qoǵam bolyp, el bolyp birge eńsereıik, Jańa Qazaqstandy birge quraıyq!
Rýslan HAMZA,
Memlekettik rámizderdi nasıhattaý jónindegi ulttyq ortalyqtyń atqarýshy dırektory
Atyraý