Prezıdenttiń halyqqa arnaǵan Joldaýyn elimizdiń aldaǵy damýyna serpin beretin qujat retinde qabyldadym. О́ıtkeni Memleket basshysy kótergen árbir máselede damý baǵdary ǵana emes, ony sheshýdiń joldary men batyl qadamdar qatar aıtyldy. Mysaly, jańa oblystardyń paıda bolýy, ásirese Almaty oblysynyń bólinýi men aldaǵy damý jospary óńirdiń taıaý keleshegin aıqyndaıdy.
Osy óńirde týyp-ósken azamat retinde aımaqta sońǵy jyldarda qordalanǵan máselelerdiń endigi kezekte ýaqytynda sheshiletindigi qýantady. Sondaı-aq óz baǵdarlamasyn oryndamaǵan depýtattardy mandattan aıyrý týraly sheshim de óte quptarlyq másele.
Meniń oıymsha, bılik ókilderiniń óz ýádelerin oryndamaýynan kóptegen jyldar boıy túrli máseleler qordalandy. Jurtshylyq bılik qurylymdaryna senýden qaldy. Bul sheshim aldaǵy ýaqytta bılik ókilderine de, depýtattarǵa da úlken jaýapkershilik arta otyryp, istiń nátıjeli bolýyna yqpal etedi dep senemin.
Prezıdenttiń, sondaı-aq ákimder men ákim orynbasarlarynyń partııa qyzmetine aralaspaýy demokratııalyq qadamdardyń biri. Prezıdent atap ótkendeı, basty baılyǵymyz – táýelsizdigimizdi saqtaý, ulttyq biregeılik negizderin nyǵaıtý, elimizdiń jańarýyna baǵyttalǵan jobalardy júzege asyrý, úles qosý – árbir qazaqstandyqtyń paryzy.
Elimizdiń árbir azamaty ózin damytqanda ǵana, elimiz alǵa jyljıdy. Damý men jańarý árbir otbasyna, qoǵamdyq ómirdiń barlyq qatysýshylaryna baılanysty. Joldaý tek alǵa jyljýǵa, ózgerýge, tyńnan jol salyp Jańa Qazaqstandy qurýǵa shaqyrady.
Baǵdat ANARBAEVA,
Qamqor charity QQ tóraıymy