Qazaqstanda tazartylǵan maı óndirisi qysqaryp, baǵalar bir jylda 23%-ǵa kóterilgen, dep habarlaıdy Egemen.kz.
Energyprom sarapshylary júrgizgen zertteýge sáıkes, elimizde kúnbaǵys maıyn óndirý bir jyl ishinde 3,1%-ǵa ósip, osy jyldyń qańtar-aqpan aılarynda 67,5 myń tonnaǵa deıin jetken.
Tazartylmaǵan kúnbaǵys maıy óndirisiniń 80%-dan astamy Shyǵys Qazaqstan oblysyna (35,8 myń tonna) keldi.
Tazartylǵan kúnbaǵys maıyn óndirýdiń 92,1%-y úsh negizgi óńirde shoǵyrlanǵan: Shymkent (9,6 myń tonna), ShQO (8,7 myń tonna) jáne Almaty (2,9 myń tonna).
2022 jylǵy qańtarda otandyq óndirýshiler kúnbaǵys maıyna suranysty 90,1%-ǵa qamtamasyz etti.
Sektordaǵy ımport úlesine resýrstardyń tek 9,9%-y ǵana keldi, bul 2021 jylǵy qańtarmen salystyrǵanda aıtarlyqtaı az (19,3% boldy).
Alaıda, sektordaǵy eksport ta 39,3%-ǵa, 6 myń tonnaǵa deıin qysqardy. Osy jyldyń birinshi aıynda ishki naryqta 33,3 myń tonna satyldy.
«Sonymen qatar, osy jyldyń aqpan aıynda kúnbaǵys maıynyń baǵasy Qazaqstan boıynsha ortasha eseppen bir jylda 23%-ǵa ósip, lıtrine 771 teńgeni qurady», dep naqtylady sarapshylar.
Kúnbaǵys maıy Batys Qazaqstan (jylyna 35,6%-ǵa), Jambyl (28,9%-ǵa) jáne Aqmola (27,5%-ǵa) oblystarynda qymbattady.
Elimizdiń iri qalalary men megapolısteri arasynda kúnbaǵys maıynyń eń joǵary baǵasy Atyraýda (lıtrine 844 tg), elordada (lıtrine 818 tg) jáne Aqtaýda (lıtrine 815 tg) baıqalady.