12 sáýir – ǵylym qyzmetkerleriniń kúni. Biraq ǵylymdy alǵa súıreıtin ǵalymdar jumyssyz retinde eńbek bırjasynda tirkeýde tur. Bul jaıynda «Shopan Ata» agroqozǵalysynyń tóraǵasy aıtty, dep habarlaıdy Egemen.kz.
«Shopan Ata» agroqozǵalysynyń tóraǵasy Almasbek Sadyrbaevtyń aıtýynsha, qazaq ǵalymdary jetimniń kúıin keship otyr.
- Elimizdegi aýyl sharýashylyǵyna qatysy bar 14 ǵylymı-zertteý ınstıtýtynyń ǵalymdary eńbek bırjasynda kezekte tur. Ǵylym magıstranttary, kandıdattar, Phd doktorlarǵa eńbek bırjasynda kóshe sypyrý sııaqty qoǵamdyq jumystar usynylady. Bul ne degen masqara? Uıat jaǵdaı! Osy merekede qazaqtyń agroǵalymdarynan keshirim suraımyn. Buǵan Úkimette, Parlamentte otyrǵandar, qujattary boıynsha «ǵalymdar» kináli. Endi eshqashan qazaqtyń ǵalymdary eńbek bırjasynda tirkeýde turmasyn. Qazaqtyń agroǵalymdary eńbek bırjasynda tursa, biz qalaı aýyl sharýashylyǵy týraly áńgime aıtamyz? – deıdi Almasbek Sadyrbaev.