Jańa Joldaýda qozǵalǵan ózekti máseleler óte kóp. Biraq biz bir nárseni túsingenimiz abzal. Qoǵamdy ózgertý úshin ózimizdi ózgertip, zaman aǵymyna ilesý arqyly óz qabiletterimizdi damytsaq, memleketimizdiń mereıi ústem bolary anyq.
«Rýhanı jańǵyrý» – turaqty damý degen sóz. «Rýhanı jańǵyrýsyz» turaqty damý múmkin emes. Zaman da, ýaqyt ta ózgeredi. Jańa talaptar jańa qundylyqtardyń paıda bolýyna sebepker bolady. Halyq ta, qoǵam da damý kerek. Damý úshin, eń aldymen, ózińdi tanýyń kerek. Damý – durys tarıh jasaý degen sóz. Áspettegen, ádemilegen tarıh emes, shyn máninde, óziniń ishindegi qarama-qaıshylyǵymen, kemshiligimen, sonyń bárin anyq, ádil saraptaı alǵan tarıhymyz bolýy kerek. Rýhanı jańǵyrý men ózgerýdiń túpki maqsaty – qoǵamdyq sanany jańǵyrtý bolǵan soń, árıne qyrýar jumys atqarylary belgili. Qalyptasqan zamanaýı qoǵamǵa aınalý úshin bul joldy da júrip ótýimiz kerek. Sondyqtan bul mindetti bir ǵana bıliktiń, ne bolmasa zııaly qaýym ókilderiniń ǵana ıyǵyna artylǵan júk dep uǵynbaýymyz kerek. Qazaqstandyq ár azamat óz salasy boıynsha durys baǵytta jumys istep, oı eleginen ótkizýge tıis.
Marat SYRLYBAEV,
Sh.Ýálıhanov atyndaǵy Kókshetaý memlekettik ýnıversıtetiniń rektory