23-24 sáýirde Túrkistan Elite, U23, U19 jáne U17 sanattaryndaǵy sportshylar arasynda ótetin Qazaqstan Respýblıkasynyń Ashyq trıatlon kýbogynyń birinshi kezeńin qabyldaıdy, dep jazady Egemen.kz prosports.kz-ke silteme jasap.
Birinshi saıys kúni elimizdiń túrli aımaqtarynan kelgen on úsh jastan asqan 60-tan astam sportshylar synǵa túsedi.
Ekinshi saıys kúni alańǵa Gasenergy TEMIRADAM CUP Turkestan jarysynyń Pro (kásipqoı) men Age Group (áýesqoı) sanatyndaǵy qatysýshylary shyǵady. Saıysqa Nur-Sultan, Almaty, Shymkent, Tashkent, Aqmola, Aqtóbe, Almaty, Atyraý, Shyǵys Qazaqstan, Jambyl, Qaraǵandy, Qostanaı, Qyzylorda jáne Pavlodar oblystarynan kelgen 100-den astam sportshy qatysady. Olar TEMIRADAM kýbogynyń reıtıngtik upaılary úshin synǵa túsedi.
Eki kúndik saıystyń barsha qatysýshylary 750 m júzý, 20 km velosaıys pen 5 km júgirýden quralǵan sprınt qashyqtyǵyn baǵyndyrady.