Men ózimdi Qazaqstannyń adal dosymyn dep esepteımin. Sondyqtan Prezıdent Qasym-Jomart Toqaevtyń 16 naýryzdaǵy Qazaqstan halqyna Joldaýymen muqııat tanysyp shyqtym. Memlekettiń osy jyldaǵy basty qujaty kóńilimnen shyqqandyqtan Qazaqstan kóshbasshysynyń reformalaryna baılanysty keıbir oılarymmen bóliskendi jón sanadym.
Prezıdent usynǵan reformalar eldegi saıası prosesterdi damytýǵa, sonyń ishinde sýperprezıdenttik basqarý nysanynan bas tartýǵa, Prezıdent pen Parlamenttiń tepe-teńdik júıesin jetildirýge, partııalar úshin tirkeý shegin tómendetýge baǵyttalǵandyǵyn mańyzdy dep sanaımyn.
Kóppartııalyq mádenıetti damytý, azamattyq qoǵammen dıalogty keńeıtý bastamasy, memleket basshysynyń óz halqynyń senimi men qoldaýyna ıe bolýy, qoǵam men bılik elektorattyń máselelerin ashyq, tikeleı dıalogta sheshýi el damýy úshin úlken mańyzǵa ıe.
Prezıdent Qasym-Jomart Toqaevtyń saıası bastamalaryn, onyń «Halyq únine qulaq asatyn memleket» ustanymyn iske asyrý da áleýmettik-ekonomıkalyq jaǵdaıdy jaqsartýǵa, makroekonomıkalyq turaqtylyqty qamtamasyz etýge yqpal etetinine senimdimin.
Slovakııanyń Qazaqstandaǵy burynǵy elshisi retinde jańa Qazaqstandy qoldaımyn jáne Qazaqstan halqyna amandyq tileımin.
Dýshan PODGORSKI,
Slovakııanyń 2005-2011 jyldardaǵy Qazaqstandaǵy elshisi