Halyqaralyq mindettemeler oryndalady

Byltyr Prezıdent Qasym-Jomart Toqaev «Qazaqstan Res­pýb­lıkasynyń adam quqyqtary sala­syndaǵy odan ári sharalary týraly» Jarlyqqa qol qoıdy, ony iske asyrý úshin Úkimet birin­shi kezektegi sharalar jos­paryn bekitti. Bul qujattyń qa­byldanýyn ha­lyqaralyq qa­ýym­dastyq oń baǵa­la­dy. Onyń ishinde dinı zańnamany yryq­­tandyrý, ólim jazasyn joıý, áıel­der­ge qatysty saıasat, quqyq qorǵaý jáne sot júıelerin jetildirý, sondaı-aq múmkindigi shekteýli jandar úshin jasalatyn jaǵdaılar erekshe atap ótil­di. Adam qu­qyq­tary salasyndaǵy is-qı­myl josparlaryn keńeıtý bo­ıyn­sha qosymsha sharalar qa­byldaý úshin Memleket basshysy jaqynda «Qa­zaqstan Res­pýb­lıkasynyń adam quqyq­ta­ry sala­syn­daǵy odan ári sharalary týraly» 2021 jyl­ǵy Jarlyǵyna óz­ge­ris pen to­lyq­ty­rý engizý týra­ly sheshim qa­byl­­dady.

Osyǵan sáıkes Úkimetke adam qu­­qyq­­tary men quqyq ús­tem­­digi salasynda sharalar jos­paryn bekitý tapsyryl­dy. Oǵan áıelderge qatysty kem­sitý­shi­lik­ti joıýdy, múgedek adam­dar­ǵa qa­tysty adam quqyqtaryn, mıgranttar men azamattyǵy joq adamdardy jáne bosqyndardyń quqyǵyn qor­ǵaý, qylmystyq sot tóreligi sala­synda jazany oryndaý jáne azaptaý men qatygezdiktiń aldyn alý, adam saýdasy qurbandarynyń quqyq­ta­ryn qamtamasyz etý, BUU organdarymen ózara is-qımyl tetikterin jetil­di­rý tárizdi tapsyrmalar berildi. Baı­qa­ǵa­ny­­myzdaı, adam quqyqtaryn qor­ǵaý – Qazaqstannyń saıa­sı kún tártibindegi basym baǵyt­tar­dyń biri.

31 naýryz kúni Qazaqstan Res­pýb­lı­ka­sy Prezıdentiniń janyn­daǵy Adam quqyqtary jónin­degi komıssııanyń eli­mizdiń quqyq qor­ǵaý organ­da­rynyń qyzmetinde adam quqy­ǵyn saqtaýdyń ózekti máse­le­le­rine arnalǵan otyrysy ótti. Onda qylmystyq prosestiń bastapqy sa­ty­larynda, sondaı-aq Mem­leket bas­­shysynyń Jol­da­ýynda aı­tyl­ǵan nusqaý­lar­dy eskere otyryp, jabyq mekemelerde azaptaýdyń aldyn alý jáne tolyǵymen joıý máselesi sóz boldy.

Memleket basshysynyń bul Jar­lyqqa qol qoıýy elimizdiń saıasaty jalpyǵa birdeı halyq­ara­lyq stan­­dart­tarǵa sáıkes aza­mattardyń qu­qy­ǵy men bos­tan­­dyǵyn qorǵaý jónin­de­gi min­det­te­melerdi iske asy­rý­ǵa baǵyt­tal­ǵanyn anyq kórse­te­di.

Igor ROGOV,

Prezıdent janyndaǵy Adam quqyqtary jónindegi komıssııa tóraǵasy