Qaraǵandydaǵy turǵyn úıdiń ekinshi qabattaǵy terezesinen tórt jasar bala qulap ketti. Túrli dene jaraqattaryn alǵan bala aýrýhanaǵa jatqyzyldy, dep habarlaıdy Egemen.kz.
Oblystyq TJ departamentiniń qutqarýshylary jazataıym oqıǵa Qaraǵandydaǵy qurylysshylar dańǵylynda ornalasqan úıde oryn alǵanyn aıtady.
«Tústen keıin eresekterdiń qaraýynsyz qalǵan bala 9 qabatty turǵyn úıdiń ekinshi qabatyndaǵy terezeden qulap ketti. 2017 jyly týǵan bala aýrýhanaǵa jatqyzyldy», deıdi oblystyq TJD baspasóz qyzmeti.
Qutqarýshylar bundaı jaǵdaılardyń kópshiligi ata-analar balalaryn qaraýsyz qaldyrǵan kezde oryn alatynyn eske salady.