Qordaǵy qarjy kóbeıdi

Zeınetaqy jınaqtarynyń negizgi bóligi mindetti zeınetaqy jarnalary esebinen quralǵan – 12,6 trln teńge (sońǵy 12 aı­daǵy ósim 2,6 paıyz). Mindetti kásiptik zeınetaqy jarnalary boıynsha zeınetaqy jınaqtary 376,6 mlrd teńgeni (ósim 19,2 pa­ıyz) qurady. Al erikti zeınetaqy jarnalary boıynsha zeınetaqy jınaqtarynyń jalpy kólemi shamamen 1,8 mlrd teńgege teń.

Osy jyldyń úsh aıynda qor salymshylary byltyrǵy dál osy kezeńmen salystyrǵanda 84,6 mlrd teńgege kóp qarajat salǵan. 2022 jyldyń 1 sáýirine qaraı salymshylardyń shottaryna shamamen 383,5 mlrd teńge kóleminde zeınetaqy jar­nasy tústi. Bul 2021 jyl­dyń sáıkes kezeńindegi kórset­kish­ten 28 paıyzǵa artyq. Jarna­lar­dyń jalpy kóleminiń 94,9 paıy­zy mindetti zeınetaqy jarna­lary­nyń úlesinde – 364,1 mlrd teńge (soń­ǵy 12 aıdaǵy ósim 28 pa­ıyz). Mindetti kásiptik zeınetaqy jar­­nalary boıynsha 19,1 mlrd teń­ge (ósim 38 paıyz) tústi. Erik­ti zeınetaqy jarnalary boıynsha 304 mln teńge (ósim 87 paıyz) aýdaryldy.

Salymshylardyń jar­na­lary­nan basqa, zeınetaqy jı­­naq­tarynyń ósimi taza ınves­tı­­sııalyq tabys arqyly qam­­ta­masyz etilgen. 2022 jyldyń 1 qańtary men 1 sáýiri aralyǵyn­da bul kórsetkish 295,8 mlrd teńgege teń boldy.

Osy jyldyń 1 sáýirine qaraı qordaǵy jeke zeınetaqy shot­tarynyń sany 11,7 mln birlikke jetti. Shottardyń eń kóp úlesi mindetti zeınetaqy jarnalary esebinen ashyldy – 10 868 993 birlik. Mindetti kásiptik zeınetaqy jarnalary arqyly qalyptasqan shottar – 562 481 bir­lik. Al erikti zeınetaqy shottary esebinen qalyptasqan shottar sany qazir 69 188 birlikke teń.

Jyl basynan beri qor óz salymshylaryna 886,7 mlrd teńge tólegen. Onyń basym bóligin tur­ǵyn úı jaǵdaıyn jaqsartý jáne emdeý maqsattaryna arnal­­­ǵan birjolǵy zeınetaqy tólem­deri quraıdy – 822,1 mlrd teńge. Jasyna baılanysty tólem­der – 26,8 mlrd teńge, muragerlik boıynsha tólemder – 16,9 mlrd teń­ge, Qazaqstan sheginen tys tu­raqty turýǵa ketýge baılanys­ty tólemder – 12 mlrd teńge, saq­tan­dyrý uıymdaryna aýdarym­dar – shamamen 6,9 mlrd teńge, jer­leý­ge arnalǵan tólemder – 1,4 mlrd teńge jáne múgedektik boıyn­sha tólemder – 0,6 mlrd teńge.

Biryńǵaı jınaqtaýshy zeı­net­aqy qorynan keste boıyn­sha aı saıynǵy ortasha tólem (zeı­net jasyna tolýyna baılanys­ty) 29 372 teńgeni, al aı saıynǵy eń joǵary tólem 707 326 teńgeni qurady.