Memleket basshysy «Otan Ana» monýmentine gúl shoǵyn qoıyp, Uly Otan soǵysy jyldarynda qaza bolǵan qazaqstandyq jaýyngerlerdiń rýhyna taǵzym etti, dep habarlaıdy Egemen.kz Aqordanyń resmı saıtyna silteme jasap.
Sodan keıin Respýblıkalyq gvardııanyń orkestri Memlekettik ánurandy oryndady, Qurmetti qaraýyl rotasy Qarýly Kúshterdiń Joǵarǵy Bas qolbasshysynyń, Uly Otan soǵysynyń ardagerleri men tyl eńbekkerleriniń aldynan saltanatty sherýmen júrip ótti.
Rásim sońynda Qasym-Jomart Toqaev ardagerlermen áńgimelesti. Prezıdent olardy Jeńis kúnimen quttyqtap, barsha qazaqstandyqtarǵa zor densaýlyq, baqyt, ashyq aspan tiledi.
Aıana Toǵanbek