● Qazaqstanda kásipkerlerge aldaǵy aptadan bastap jeńildetilgen nesıe beriledi. Bul keshe Úkimettiń shaǵyn jáne orta bıznes jobalaryn Ulttyq qordan qarjylandyrý josparyn bekitkeninen keıin anyqtaldy. Elbasynyń uıǵarymymen endi bul maqsatqa 100 mlrd. teńge kóleminde qarjy bólinetin boldy.
● Elimizde bıyl mashına jasaý óndirisiniń kólemi 1 trln. teńgege jetedi. Ortalyq kommýnıkasııalar qyzmetiniń brıfınginde Qazaqstan Mashına jasaýshylar odaǵynyń atqarýshy dırektory Temirlan Altaev munyń ótken jylǵydan 200 mln. teńgege kóp ekenin aıtty.
● Qazaqstan men О́zbekstan arasyndaǵy qarym-qatynas nyǵaıa túspekshi. Munyń jaıyn baıandap bergen Parlament Senatynyń depýtaty Ikram Adyrbekov búginde eki el shekarasynan kúnine 2 myńǵa jýyq adamnyń ótip turatynyn aıta kelip, eki aralyqta endi keńeıtilgen áriptestik qarym-qatynastyń ornaǵaly turǵanyna, onyń bolashaqqa baǵyttalǵan birinshi shart bolatynyna toqtaldy.
● Qazaqstan halqynyń 65,5 paıyzyn qazaqtar quraıdy. Bul týraly búgin Statıstıka agenttiginiń basshysy Álıhan Smaıylov málim etti.
«Jyl basyndaǵy derekterge sáıkes Qazaqstan halqynyń 65,6 paıyzyn qazaqtar, 21,5 paıyzyn orystar qurap otyr», dedi ol. Onyń atap ótýinshe, elimizdiń soltústik óńirlerindegi qazaqtar sany tabıǵı ósim men kóshi-qon esebinen artyp keledi.
● Ońtústik Qazaqstanǵa eki myń dýadaq jetkizildi. Birikken Arab Ámirliginen arnaıy reıspen ákelingen bul qustar Qyzyl kitapqa engen. Jaqyn arada bulardyń eki júzi Mańǵystaý oblysyna jiberilse, qalǵany Betpaqdalada ushyrylady.
● Aqtaýda aýyl sharýashylyǵyn damytý máselesi talqylandy. Oblystaǵy ulttyq kásipkerler palatasynyń mamandary aımaqta salanyń kenjelep kele jatqanyna nazar aýdaryp, bir top sharýa qojalyǵynyń ıelerimen ózekti máseleler jóninde pikir almasty.
24KZ, BNews.kz, Nur.kz, Egemen.kz habarlary boıynsha daıyndaldy.