Sáýirdiń 15-i kúni Máskeýde Qazaqstan Úkimetiniń basshysy Kárim Másimov Keden odaǵy jáne Biryńǵaı ekonomıkalyq keńistikke múshe elderdiń Úkimetteri jetekshileriniń kezdesýine qatysty. Bul týraly primemminister.kz saıty habarlady.
Kezdesýdiń kún tártibinde Eýrazııalyq ekonomıkalyq odaq jónindegi kelisim jobasy keńinen talqylandy. Atap aıtqanda, aýyl sharýashylyǵy, munaı-gaz, temir jol jáne avtokólik tasymalyna qatysty sharýalar sóz boldy.
Arnaıy uıymdastyrylǵan baspasóz máslıhatynda Kárim Másimov: «Búgin barlyq daýly máseleler talqylanyp, ishinara túzetýlerden keıin qujat Memleket basshylarynyń qol qoıýyna daıyn bolady», – dedi. Sondaı-aq, Qazaqstan Úkimetiniń basshysy: «Kelissóz kezinde biz negizgi shart retinde qatysýshy elderdiń ekonomıkalyq múddelerine sáıkestikti basshylyqqa aldyq», – dedi.
Osylaısha úkimet basshylary Eýrazııalyq odaq jónindegi kelisim jobasyn taǵy bir pysyqtap aldy. О́ıtkeni, atalmysh kelisim jobasyn memlekettik deńgeıde bekitetin kún jaqyn. Naqtylaı aıtqanda, Qarjy mınıstrligi Salyq komıtetiniń tóraǵasy Ánýar Jumadildaevtyń 16 sáýirde uıymdastyrylǵan brıfıngte málimdegenindeı, mamyr aıynda Qazaqstan, Reseı jáne Belarýs memleketteriniń Prezıdentteri EEO týraly kelisimge qol qoımaq.
Bıyl Eýrazııalyq ekonomıkalyq odaq ıdeıasyna 20 jyl tolady. Ánýar Jumadildaev osy 20 jyldyń ishinde Qazaqstan, Reseı jáne Belarýs memleketteri túrli salalar boıynsha túsinistikke qol jetkizip, atalǵan úsh eldiń arasyndaǵy ıntegrasııalyq ıgi ister qajetti damý bıigine jetkendigin de atap ótti.
Jalpy, Eýrazııalyq ıntegrasııa memleketterdiń ózara ekonomıkalyq baılanystaryn ǵana qamtıtynyn aıta ketken jón.
Joldybaı Bazar.
Derekkóz: primemminister.kz.
Foto: Ria.ru.