Almatyda «qarjy pıramıdasyn» qurǵan 40 jastaǵy alaıaq polısııanyń qarmaǵyna tústi. Bul týraly Almaty qalalyq IID baspasóz qyzmetine silteme jasaǵan «QazAqparat» habarlady.
Alaıaqtan jaýap alǵan tergeýshiniń sózine qaraǵanda, «qarjy pıramıdasynyń» qojaıyny ańǵal jandardan qaıyrymdylyq qoryna aqsha jınaǵan. Álgi azamat aldanǵandardy qaıyrymdylyq úshin bergen qarjylary eselep qaıtatynyna sendirgen. Alǵashqyda «pıramıdaǵa» onyń jaqyndary «kiripti».
Atalmysh is týraly polısııa polkovnıgi Erlan Oralbekov: «B. esimdi azamat óziniń jábirlenýshilerinen 15 myń teńge kóleminde aqsha alyp, ony 13 600 teńge dep, al qalǵan qarajat qaıyrymdylyq qorǵa aqsha rásimdegeni úshin alynǵan paıyz dep alyp otyrǵan. Er adam bul qarajat jarty nemese bir jyldan keıin qaıyrymdylyq qordyń uıymdastyrýshylary tarapynan birneshe ese joǵary somamen qaıtarylady dep sendirip otyrǵan. Jeńil paıda tabý kózin tapqandaı bolǵan adamdar «pıramıdaǵa» aǵyla bastaǵan», – dedi.
Qazirgi ýaqytta alaıaqtyǵy úshin jaýap berip otyrǵan 40 jastaǵy azamat buǵan deıin de isti bolǵan eken.
Joldybaı Bazar.
Derekkóz: «QazAqparat».
Foto: Assalam.ru.