Aqtaýda eki marıhýana zerthanasy anyqtaldy. Bul týraly Mańǵystaý oblystyq PD baspasóz qyzmeti málim etti, dep habarlaıdy Egemen.kz.
Mańǵystaý oblystyq polısııa departamentiniń esirtki bıznesine qarsy kúres basqarmasynyń qyzmetkerleri jedel izdestirý sharasy kezinde marıhýana ósiretin 2 fıtozerthanany anyqtady.
«Alǵashqy fakt boıynsha buryn isti bolǵan 38 jastaǵy er adam ustaldy. Onyń úıinen 8 gúl ósirýge arnalǵan qumyrada ósip turǵan marıhýana jáne esirtki daıyndaıtyn ártúrli tuqymdas 9 qumyra tabyldy», dep habarlady oblystyq polısııa departamentiniń baspasóz qyzmeti.
Polısııa departamentiniń habarlamasynda aıtylǵandaı, ekinshi esirtki zerthanasy Aqtaý qalasyndaǵy shaǵyn aýdandardyń birindegi turǵyn úıdiń ekinshi qabatynda anyqtalǵan.
«Esirtki zerthanasynyń ıesi 29 jastaǵy er adam bolyp shyqty. Polıseıler turǵynnan 13 marıhýana butasyn jáne esirtki ósimdikterin ósirýge arnalǵan mıneraldy tyńaıtqyshtar salynǵan ydystardy tárkiledi», deıdi vedomstvodan.
Qazir atalǵan faktiler boıynsha tergep-tekserý amaldary júrip jatyr.«QR Qylmystyq kodeksiniń 300-babynyń birinshi tarmaǵyna sáıkes «quramynda esirtki bar ósimdikterdi zańsyz ósirý» boıynsha sotqa deıingi tergeý bastaldy. Ustalǵandarǵa qatysty bas bostandyǵynan aıyrýmen baılanysty emes bultartpaý sharasy tańdaldy», delingen habarlamada.