Poıyz apaty: sebebi belgisiz, sabaǵy qandaı bolady?

«Apat aıtyp kelmeıdi» deı­di dana halqymyz. Buǵan ótken senbide, ıaǵnı, 19 sáýirde «Alma­ty-Atyraý» baǵytynda qaty­naıtyn jolaýshylar poıyzy apatqa ushyrady degen sýyt habardy estigende, aldymen oıymyzǵa halqymyzdyń osynaý eskertpesiniń rastyǵy eriksiz oraldy. Oqıǵa sol kúni keshkilik 17 saǵat 55 mınýtta bolǵan. Poıyz apaty Atyraý oblysynyń Qyzylqoǵa aýdanyndaǵy Janterek-Kenbaı temirjol beketteriniń aralyǵynda oryn alǵan. Sol jolaýshylar poıyzynyń quramynda 19 vagon, onyń ishinde 16 jolaýshylar vagony tirkelipti. Osy vagondarmen 586 jolaý­shy jáne 26 jolserik Atyraýǵa baǵyt alǵan eken. Aldyn orap aıtqymyz kelgeni, 12 vagonnyń relsten shyǵyp ketkenine, sonyń ishinde 8 vagonnyń bir janyna qısaıyp qalǵanyna qaramastan jolaýshylar arasynda adam shyǵyny bolmasa da, ár deńgeıde jaraqat alǵandar bar. Osynaý sýyt habar atyraýlyq qutqarýshylardy aıaǵynan tik turǵyzdy. О́ıtkeni, aldymen bárinen adam ómiri qymbat edi. Jolaýshylardy birinshi kezekte qutqarý qajet. Poıyz apaty jónindegi sýyt habardan soń oqıǵa ornyna qutqarý qyzmetiniń ókilderimen birge shuǵyl jetken oblys ákiminiń orynbasary Sálimjan Naqpaev tómendegi jaıttardy málim etti. Onyń aıtýynsha, jolaýshylardy qutqarýǵa Tótenshe jaǵdaılar mınıstrligine qarasty qurylymdarmen birge «Qaınarmunaıgaz», «Dos­sor­mu­naıgaz», «Embimunaıenergo» jáne «Maqat» JО́B sekildi kásip­oryndar jolaýshylardy Maqat aýdanynyń ortalyǵyna shuǵyl jetkizýdi uıymdastyrýǵa atsalysty. Oqıǵa ornynda 45 medısına qyzmetkeri bar 6 jedel járdem brıgadasy jumys jasady. Sol kúni keshkilik 22 saǵat 30 mı­nýtta eki tikushaqpen Atyraý qa­lasyna jedel jetkizilgen 8 adam­nyń úsheýi aýrýhanaǵa jatqy­zyldy. Oqıǵa ornynan 435 adam avtobýstarmen jáne vahtalyq kóliktermen Maqat stansasyna, al 169 adam oqıǵa ornynan 6-7 shaqyrymdaı qashyqtaǵy Kenbaı temirjol beketinen Maqatqa deıin poıyzben jetkizilgen. Al Maqat stansasynda apatqa ushyraǵan jolaýshylarǵa psıhologııalyq turǵydan qoldaý kórsetildi. Maqat aýdandyq aýrýhanasyna jetkizilgen 26 jolaýshynyń altaýy ártúrli jaraqattarmen jatqyzyldy. Jeksenbige, ıaǵnı, 20 sáýirge qaraǵan túngi 01 saǵat 15 mınýtta Maqat stansasynan 6 jolaýshy vagony bar arnaıy poıyz jasaqtaldy. Osy jolaýshy poıyzymen jolaýshylar 03 saǵat 10 mınýtta Atyraý qalasyna jetkizildi. Jolaýshylardy mekenjaılaryna jetkizý úshin 10 avtobýs uıymdastyryldy. Medısınalyq jáne psıhologııalyq kómek berý úshin 5 jedel járdem brıgadasy, 4 psıholog kútip turdy. – «Almaty-Atyraý» poıyzynda bolǵan jolaýshylar arasynan aýrýhanaǵa túsken 10 adamnyń ekeýiniń jaǵdaıy aýyr, – degen Atyraý oblystyq densaýlyq saqtaý basqarmasynyń basshysy Meńdihan О́tepqalıevtyń aıtýyna qaraǵanda, qazirgi kezde oblystyq aýrýhanada apat saldarynan zardap shekken 6 adam jatyr. Aýyr jaraqat alǵandardyń biriniń jaǵy synǵan, beti tilingen. Al ekinshisiniń qabyrǵalary synǵan. Bularǵa qosa Maqat aýdandyq aýrýhanasynda tórt adam emdelýde. Atyraý temirjol jelilik bóliminiń bas ınjeneri Jánibek Jónturbaevtyń aıtýyn­sha, apattyń saldaryn joıý ju­mys­taryna «Qazaqstan temir joly» AQ-tan 218 adam, 22 birlik tehnıka, 8 elektr stansasy jáne 2 qalpyna keltirý poıyzy jumyldyrylǵan. Jeksenbide, naqtylaı aıtqanda, 20 cáýirde 05 saǵat 57 mınýtta búlingen 325 metr temirjol bóligi qalpyna keltirilip, poıyzdar qozǵalysy qalpyna keldi. Aıtqandaı, temirjoldaǵy apat saldary tolyq joıylǵansha, 9 jolaýshy, 34 júk poıyzynyń qozǵalysy shekteldi. Mamandar jolaýshylar poıy­zynyń apatqa ushyraýyna sebep bolar birneshe nusqa qaras­tyrylyp jatqanyn aıtady. Arnaıy qurylǵan komıssııa naqty ne sebep bolǵanyn bir aptadan soń jarııa etpek. Ázirge apattyń sebebi belgisiz, alaıda, mundaı apattan sabaq alý jaǵy tek arnaıy komıssııany ǵana emes, barshany, ıaǵnı, qarapaıym jolaýshydan temirjolshyǵa deıin, salalyq mınıstrliktegilerdi, tipti Úkimetti de oılantýy tıis. Shyndyǵynda, bizge osyndaı oqys oqıǵalardan, tehnogendik tótenshe jaǵdaıdan sabaq alatyn kez jetken joq pa? Joldasbek ShО́PEǴUL, «Egemen Qazaqstan». Atyraý oblysy.