Máslıhattardyń mindeti aıqyndaldy

El Prezıdentiniń 2022 jyl­ǵy 3 mamyrdaǵy №887 Jar­­lyǵyna sáıkes Almaty obly­synyń quramynan Jetisý ob­lysy bólinip shyqty. Osy­ǵan baılanysty Almaty oblys­tyq máslıhaty da Almaty jáne Jetisý oblystarynyń máslı­hattary bolyp ekige bólindi. Oblystyq máslıhat buǵan deıin 45 depýtattyq mandat bo­ıynsha óz ókilettiligin júzege asyryp kelgen bolsa, endi quzyrly organ Amanat partııasy, Qazaqstannyń Halyq partııasy jáne «Aýyl» partııasynan quralǵan depýttyq fraksııalardyń kelisimimen jáne saılaýshylar sanyn eskere otyryp, qaıta jasaq­tal­dy. Iаǵnı endi Almaty obly­sy­nyń máslıhatynda 26 depýtat, Jetisý oblysynyń máslı­hatynda 19 depýtat bolady.

Máslıhat sessııasynyń jumysyn túıindegen oblys ákiminiń mindetin atqarýshy Lázzat Turlashov bul jıyndy tarıhı oqıǵa dep atap ótti. Ol qos oblystyń depýtattaryn quttyqtap, el ıgiligi jolyndaǵy eńbekterine sáttilik tiledi.

Al sál úzilisten keıin Jetisý oblystyq máslıha­ty­nyń alǵashqy sessııasy da ótti. Jıynda áriptesterniń qol­daýyna ıe bolǵan depýtat Gúl­nar Toılybaeva jańa oblys máslıhatynyń hatshysy bolyp saılandy. Ol buǵan deıin Amanat partııasynyń Al­maty oblystyq fılıalynyń at­qarýshy hatshysy qyzmetin atqar­ǵan bolatyn. Depýtattar kor­pýsy G.Toılybaevanyń kandı­datýrasyna biraýyzdan daýys berdi. Sondaı-aq, alǵashqy sessııa barysynda depýtattar Jetisý oblysy máslıhatynyń turaqty ko­mıs­sııalaryn qurý, olardyń qu­ra­myn bekitý, sol sııaqty más­lıhat apparatynyń reg­lamentin, qurylymyn jáne shtat kestesin bekitýge qatysty birqatar máseleni talqylady.

Almaty oblysy