ASTANA. 23 sáýir. Qazaqstandyq erkin kúres sheberi Rýslan Qalıev búgin Astanada bastalǵan Azııa chempıonatynda altyn medal jeńip aldy. Bul týraly egemeni.kz tilshisi habarlady.
Qurlyq birinshiliginde Rýslan Qalıev 57 kıloǵa deıingi salmaqta kilemge shyqty. Ol fınalda ózi sekildi jastar arasyndaǵy álem chempıonatynyń qola júldegeri bolyp tabylatyn mońǵol Damdırbazar Songbahtyrmen kezdesti. Beldesý alǵashqy mınýttardan tartysty bastaldy. Qazaq palýany óziniń alǵashqy shabýyldarynyń birinde qarsy ádiske túsip qaldy - 0:2. Budan ári Rýslan 1 upaı ala aldy. Biraq qarsylasy da qarap qalmady. Sóıtip, esep birinshi kezeńde 3:1 bolyp toqtady.
Úzilisten keıin bizdiń palýan belsendilikti arttyra tústi. Sonyń nátıjesinde ol esepti teńestirip qoıa salmaı, odan da ary ketti – 5:3. Budan ári Qalıev basymdyǵyn ulǵaıta otyryp, sońǵy sátte 10:4 degen esepke qol jetkizdi.
Eske sala keteıik, Azııa chempıonatyn Astanada búgin, 23 sáýir kúni bastaldy. Jalpy, 5 kúnniń ishinde munda erkin kúres, grek-rım kúresi jáne áıelder kúresi sheberleri 24 medaldar jıyntyǵyn sarapqa salady.
Damır Qojamqul.
Derekkóz: egemeni..kz.
Foto: vesti.kz.