5 maýsymda ótken referendýmnan keıin Ulttyq quryltaıdyń alǵashqy otyrysynyń Ulytaýda uıymdastyrylýynyń úlken tarıhı sımvolıkalyq máni bar dep esepteımin.
Eldiń basyn biriktirgen alqaly otyrysta úlken ıdeıalar, mańyzdy pikirler aıtyldy. El basyna kún týǵanda ata-babamyz osy jerge jınalyp, eldik máselelerdi sheshken. Tipti geosaıası máselelerdi de kún tártibine shyǵarǵan dep aıtýǵa bolady. Altyn Ordanyń qurylýyna sebepshi bolǵan da osyndaı quryltaı. Tarıhtan belgili, Ulytaý – «Qasym hannyń qasqa joly», «Esim hannyń eski joly», Táýke hannyń «Jeti jarǵysy» qalyptasqan kıeli meken. Osy turǵydan alyp qaraǵanda Ulttyq quryltaıdyń Ulytaýdan bastaý alýynyń tarıhı máni zor, mańyzy erekshe. Osy jerde Jańa Qazaqstannyń jańa baǵyttary, tyń bastamalary sheshimin tabady dep senemin.
Edil JAŃBYRShIN,
Májilis depýtaty