Atyraýdaǵy ÝG-157/11 túzeý mekemesinde balyq óńdeý sehy jumys isteı bastady. Oblystyq prokýratýranyń yqpal etýimen ashylǵan sehta ázirge 10 jazasyn óteýshi jumysqa ornalastyryldy. Munda jazasyn óteýshiler qara balyqtardy óńdep, kúnine 1000 dana balyq qutysyn shyǵarady. Daıyn ónimder elimizdegi túzeý mekemelerine jóneltiledi. Jaqyn arada óndiristi keńeıtý arqyly jumysshylar sanyn 30-ǵa deıin kóbeıtý josparlanýda.
Qazirgi ýaqytta atalǵan mekemede 230 sottalǵan áıel jazasyn óteýde, olardyń 80-i aqyly jumyspen qamtylǵan. Onyń ishinde «Eńbek-Atyraý» RMK-nyń tósek jabdyqtaryn tigý jáne shyǵarý sehynda – 35, nan ónimderin shyǵaratyn shaǵyn sehta –5, ishki jóndeý jumystarynda kelisimshartpen 19 sottalǵan adam jumysqa tartylǵan. Sondaı-aq, osy túzeý mekemesiniń aýmaǵynda 2013 jyldan beri «Er-Trı» JShS tigin sehy ashylyp, 21 sottalýshy jumyspen qamtyldy.
Joldasbek ShО́PEǴUL,
«Egemen Qazaqstan».
Atyraý oblysy.