Asa aýyr salmaqtaǵy WBA Super, IBF jáne WBO tujyrymdary boıynsha álem chempıony ýkraınalyq Aleksandr Ýsık (19-0, 13 KO) pen brıtanııalyq Entonı Djoshýa (24-2, 22 KO) arasyndaǵy qarymta jekpe-jek tamyzda ótetin boldy.
Eki boksshynyń da isin júrgizetin Matchroom Boxing promoýterlik kompanııasy keshe kásipqoı bokstaǵy eki alyptyń arasyndaǵy revansh aıqasy tamyzdyń 20-sy kúni Saýd Arabııasynyń Djıdda qalasynda ótetinin resmı málimdedi. Ázirge jekpe-jekte kimniń qansha gonorar alatyny jarııalanǵan joq.
Aıta keteıik, Djoshýa men Ýsık arasyndaǵy birinshi aıqas 2021 jyldyń qyrkúıek aıynda Londondaǵy (Anglııa) 80 myń jankúıer syıatyn «Ýemblı» stadıonynda ótken edi. Ol kezde Ýsık tóreshilerdiń biraýyz sheshimimen jeńiske jetken bolatyn.