Qatar astanasy – Dohada máresine jetken sporttyq gımnastıkadan Azııa chempıonatynda qazaqstandyq sportshylar eki medal jeńip aldy.
Jazǵy Ýnıversıadanyń (2019) kúmis júldegeri Narıman Qurbanov Dohadaǵy sary qurlyq birinshiliginde de kúmis júlde enshiledi. At snarıadynda óner kórsetken otandasymyz 14.800 upaımen ekinshi orynǵa taban tiredi. Bul synda ıordanııalyq gımnast (15.255) jeńiske jetse, qytaılyq sportshy (14.600) qola medalǵa ıe boldy. Sondaı-aq 2019 jylǵy Azııa birinshiliginiń kúmis júldegeri Mılad Karımı kermedegi jattyǵýdan 14.133 ball jınap, qola júldeger atandy.
Osylaısha, sporttyq gımnastıkadan Qazaqstan ulttyq quramasynyń eki sportshysy bıyl 28 qazan – 6 qarasha aralyǵynda Lıverpýlde (Ulybrıtanııa) ótetin álem chempıonatyna joldama aldy.