ASTANA. 25 sáýir. Aldymen qoǵam elektrondy vırýstan qalaı qorǵanýdy úırenýi kerek. HII Eýrazııalyq medıaforýmy uıymdastyrý komıtetiniń tóraıymy Darıǵa Nazarbaeva osylaı dedi. Bul týraly «Qazaqstan» ulttyq arnasy habarlady.
Jıyn barysynda Darıǵa Nazarbaeva: «Osy zalda jınalyp otyrǵan bárimiz sóz erkindigi men buqaralyq aqparat quraldarynyń bostandyǵyn qaltqysyz ári dáıekti túrde jaqtaımyz dep oılaımyn. Sonymen qatar, biz buqaralyq medıanyń jaýapkershiligin tereń sezinemiz. О́ıtkeni, qoǵamnyń ishine iritki salyp, qurtatyn – sol jaýapsyzdyq», – degen pikirin jetkizdi.
Sondaı-aq, ol: «Taıaýda Túrkııa YouTube pen Twitterge tosqaýyl qoıdy. Biraq kóp uzamaı Twitterge qaıta jol ashylyp edi, ile ótirik pikir-talas órship shyǵa keldi», – dedi.
Joldybaı Bazar.
Derekkóz: «Qazaqstan» ulttyq arnasy.
Foto: Gazeta.kz.