ASTANA. 25 sáýir. Astanada ótip jatqan kúresten Azııa chempıonatynyń úshinshi kúni úsh qazaqstandyq qyz qola medalge qol jetkizdi. Bul týraly egemen.kz habarlady.
Bul kúni áıelder týrnırinde tórt salmaq kategorııasy boıynsha irikteý beldesýleri ótir, tórt qazaqstandyq atlet qola medal úshin talasý quqyǵyna me boldy. Olardyń arasynan kilemge birinshi bolyp 53 kıloǵa deıingi salmaqtaǵy Juldyz Eshimova kóterildi. Ol japon Hıkara Sýgavaraǵa barynsha qarsylyq kórsetip baqty. Biraq aqyrynda utylyp qaldy.
Budan keıin bizdiń qyzdar aldaryna qoıǵan maqsattaryn oryndap shyqty. 55 kıloǵa deıingi salmaqtaǵy Aıym Ábildına (sýrette) ózbek Sevara Eshmýratovamen beldesýdi jeńispen aıaqtady. 63 kıloǵa deıingi salmaqtaǵy álemniń ótken jylǵy júldegeri Ekaterına Larıonova vetnamdyq Lı Thı Hendi taza jeńdi. Sodan soń 69 kılodaǵy Elmıra Syzdyqova taıpeılik Iý Tınge qarsy shyqty. Kúres boıyna alda turǵan jerlesimiz aqyrynda jeńiske de jetti.
Eske sala keteıik, 24 sáýir kúni 48 kılodaǵy Tatıana Amanjol altyn medal jeńip alǵan edi.
Endi áıelder arasynda bir ǵana salmaq boıynsha beldesý qaldy. Atap aıtqanda, erteń 75 kılodan aýyr salmaqta kúsh synasý bolady. Onda qazaqstandyqtar qatarynan quramanyń bas jattyqtyrýshysy, London Olımpıadasynyń qola júldegeri Gıýzel Manıýrova el namysyn qorǵaıdy.
Chempıonat 27 sáýir kúni aıaqtalady.
Damır Qojamqul.
Derekkóz: egemen.kz.
Foto: vesti.kz.