2014 jylǵy 13 qańtar Astana qalasy
«Joǵary sport sheberligi mektepteriniń qyzmetin uıymdastyrý qaǵıdalaryn bekitý týraly» Qazaqstan Respýblıkasy Sport jáne deneshynyqtyrý isteri agenttiginiń 2013 jylǵy 19 tamyzdaǵy № 298 buıryǵyna ózgerister men tolyqtyrý engizý týraly
«Deneshynyqtyrý jáne sport týraly» 1999 jylǵy 2 jeltoqsandaǵy Qazaqstan Respýblıkasy Zańynyń 23-babynyń 21) tarmaqshasyna sáıkes buıyramyn:
1. «Joǵary sport sheberligi mektepteriniń qyzmetin uıymdastyrý qaǵıdalaryn bekitý týraly» Qazaqstan Respýblıkasy Sport jáne deneshynyqtyrý isteri agenttiginiń 2013 jylǵy 19 tamyzdaǵy № 298 buıryǵyna (Normatıvtik quqyqtyq aktilerdiń memlekettik tirkeý tizilimde № 8718 tirkelgen, «Egemen Qazaqstan» gazetinde 2013 jylǵy 26 qyrkúıekte № 220 (28159) jarııalanǵan) mynadaı ózgerister men tolyqtyrý engizilsin:
kórsetilgen buıryqpen bekitilgen Joǵary sport sheberligi mektepteriniń qyzmetin uıymdastyrý qaǵıdalarynda:
4-tarmaqtyń 5), 6), 7), 8), 9) jáne 10) tarmaqshalary mynadaı redaksııada jazylsyn:
«5) jattyqtyrýshy-oqytýshy – joǵary kásiptik bilimi bar jáne oqytý qyzmetimen tikeleı aınalysatyn jeke tulǵa;
6) sporttyq rezerv – jasóspirimderdiń jáne jastardyń jarystaryna qatysatyn sportshylar;
7) halyqaralyq sporttyq jarystar - keminde bes memlekettiń ókilderi qatysatyn sportshylar (komandalar) arasyndaǵy sport túrinen saıystar;
8) oqýshy – BJSM-da sportpen shuǵyldanatyn tulǵa;
9) sporttyq jetildirý toptary – oqý-jattyǵý toptarynda daıyndyqtan ótken jáne mynadaı ataqtar men razrıadtardy oryndaǵan sport mektepteriniń oqýshylary qabyldanatyn sportshylar toptary:
sporttyń oıyn túrlerinen, konkı tebý sportynan, jeńil atletıkadan – 1-sporttyq razrıad;
sporttyń basqa túrlerinen – «Qazaqstan Respýblıkasynyń sport sheberine úmitker»;
10) joǵary sport sheberligi toptary – sporttyq jetildirý toptarynda daıyndyqtan ótken jáne mynadaı sporttyq ataqtar men razrıadtardy oryndaǵan sport mektepteriniń oqýshylary qabyldanatyn sportshylar toptary:
sporttyń oıyn túrlerinen, konkı tebý sportynan, jeńil atletıkadan
– «Qazaqstan Respýblıkasynyń sport sheberine úmitker»;
sporttyń basqa túrlerinen – «Qazaqstan Respýblıkasynyń sport sheberi»;»;
6-tarmaq mynadaı redaksııada jazylsyn:
«6. JSShM negizgi maqsaty sportshylardyń joǵary sporttyq jetistikterge qol jetkizýge baǵyttalǵan olımpıadalyq, olımpıadalyq emes jáne ulttyq sport túrlerinen jyl boıy oqý-jattyǵý, sporttyq-ádistemelik qyzmetin júzege asyrý bolyp tabylady.»;
9 jáne 10-tarmaqtar mynadaı redaksııada jazylsyn:
«9. Respýblıkalyq JSShM respýblıkalyq jarystardyń júldeger jáne jeńimpaz sportshylary qabyldanady.
Oblystyq jáne qalalyq (aýdandyq) JSShM respýblıkalyq jarystardyń, oblystardyń Astana men Almaty qalalarynyń sport túrleri boıynsha birinshilikterdiń júldeger jáne jeńimpaz sportshylary qabyldanady.
10. JSShM kontıngenti olımpıadalyq, olımpıadalyq emes jáne ulttyq sport túrlerinen ulttyq, oblystyq, Astana men Almaty qalalarynyń qurama komandalarynyń múshelerinen jasaqtalǵan oqýshylardyń turaqty jáne aýyspaly quramynan qurylady.
JSShM kontıngenti sporttyq jetildirý jáne joǵary sport sheberligi tobyna kiretin oqýshylardan qalyptasady. Sporttyq jetildirý jáne joǵary sport sheberligi toptaryna qabyldanǵan oqýshylardyń jasy belgilengen sporttyq normatıvter jáne osy toptardyń talaptary jyl saıyn rastalǵan jaǵdaıda shektelmeıdi.»;
mynadaı mazmundaǵy 10-1-tarmaqpen tolyqtyrylsyn:
«10-1. Oblystyq jáne qalalyq (aýdandyq) JSShM-de sporttyq jetildirý toptary sporttyq jetildirý toptary quramynyń jeke tizimi bekitilgen jaǵdaıda, deneshynyqtyrý jáne sport salasyndaǵy jergilikti atqarýshy organnyń kelisimi boıynsha JSShM basshysynyń sheshimi boıynsha ashylady.
Respýblıkalyq JSShM-de sporttyq jetildirý toptary sporttyq jetildirý toptary quramynyń jeke tizimi bekitilgen jaǵdaıda, ýákiletti organnyń kelisimi boıynsha JSShM basshysynyń sheshimi boıynsha ashylady.
JSShM-de joǵary sport sheberligi toby joǵary sport sheberligi toby quramynyń jeke tizimi bekitilgen jaǵdaıda, ýákiletti organnyń kelisimi boıynsha JSShM basshysynyń sheshimimen ashylady.»;
11, 12 jáne 13-tarmaqtar mynadaı redaksııada jazylsyn:
«11. JSShM-de sporttyq daıyndyqqa qatysýshylar mynalar bolyp tabylady:
1) olımpıadalyq, olımpıadalyq emes jáne ulttyq sport túrlerinen ulttyq, oblystyq, Astana men Almaty qalalarynyń qurama komandalarynyń tizimdik quramyna engizilgen sportshylar;
2) JSShM aǵa jattyqtyrýshysy, bilikti jattyqtyrýshy-oqytýshylar, sonymen qatar JSShM sportshylaryn daıyndaýǵa shaqyrylǵan jeke jattyqtyrýshylar;
3) sportshylardy daıarlaýǵa JSShM shaqyrǵan dárigeler, ádiskerler, massajıst, psıhologtar jáne basqa da mamandar;
12. JSShM oqýshylarynyń jeke tizimdik jáne jattyqtyrýshy-oqytýshylarynyń quramy, oqýshylardyń bir jylǵa arnalǵan jeke daıyndyq jospary, bir jylǵa arnalǵan sporttyq-buqaralyq is-sharalardyń kúntizbelik jospary jyl saıyn 15 jeltoqsanǵa deıin ýákiletti organǵa (JSShM respýblıkalyq mártebesi bar jaǵdaıda) nemese deneshynyqtyrý jáne sport salasyndaǵy jergilikti atqarýshy organǵa (JSShM oblystyq, qalalyq (aýdandyq) mártebesi bar jaǵdaıda) kelisýge usynylady.
13. JSShM oqýshylarynyń jáne jattyqtyrýshylarynyń derbes tizimin jattyǵý jáne jarys sıkli aıaqtalǵan soń JSShM basshylarynyń usynysy negizinde qajet jaǵdaıda, ýákiletti organ (JSShM respýblıkalyq mártebesi bar jaǵdaıda) nemese deneshynyqtyrý jáne sport salasyndaǵy jergilikti atqarýshy organǵa (JSShM oblystyq, qalalyq (aýdandyq) mártebesi bar jaǵdaıda) qaıta qarastyrady.»;
20-tarmaq mynadaı redaksııada jazylsyn:
«20. JSShM aǵa jattyqtyrýshysy ýákiletti organnyń (JSShM respýblıkalyq mártebesi bar jaǵdaıda) nemese deneshynyqtyrý jáne sport salasyndaǵy jergilikti atqarýshy organǵa (JSShM oblystyq, qalalyq (aýdandyq) mártebesi bar jaǵdaıda) kelisimi boıynsha JSShM basshylyǵymen qyzmetke taǵaıyndalady jáne bosatylady.».
2. Joǵary jetistikter sporty jáne sport rezervi departamenti (S.M. Jarasbaev) zańnamamen belgilengen tártipte:
1) osy buıryqty Qazaqstan Respýblıkasy Ádilet mınıstrligine memlekettik tirkeýge usynsyn;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqtyń buqaralyq aqparat quraldarynda, Qazaqstan Respýblıkasy Sport jáne deneshynyqtyrý isteri agenttiginiń ınternet-resýrsynda jáne «www.adilet.zan.kz» veb-saıtynda resmı jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Sport jáne deneshynyqtyrý isteri agenttigi tóraǵasynyń orynbasary E.B. Qanaǵatovqa júktelsin.
4. Osy buıryq alǵash resmı jarııalanǵan kúninen keıin kúntizbelik
on kún ótken soń qoldanysqa engiziledi.
Tóraǵa T. Esentaev.
Buıryq Qazaqstan Respýblıkasynyń Ádilet mınıstrliginde 2014 jylǵy 13 aqpanda Normatıvtik quqyqtyq kesimderdi memlekettik tirkeýdiń tizilimine №9146 bolyp engizildi.