Aqtóbe oblysynyń kásipkerler palatasy múmkindigi shekteýli jandarǵa árdaıym kómek qolyn sozýǵa daıyn. Oblystyq kásipkerlik palatasynyń Embi qalasyndaǵy fılıalynyń basshylyǵy úshinshi toptaǵy múgedek Qaırat Esekenovtiń óz isin ashýyna kómektesetin boldy. Fılıal dırektory Tilek Naqpaevtyń aıtýynsha, ol óziniń shaǵyn kásipkerligin ashýǵa fılıalǵa keńes alýǵa jolyqqan. Qaırat Esekenov kezinde dúken ashý úshin ǵımarat salǵan eken. Alaıda, bir sebeptermen dúkendi ashyp úlgermepti. Sodan keıin munda plastık tereze jasaıtyn seh ornalastyrýdy sheshken. Ol «Bıznes-keńesshi» kásipkerlikti damytý qorynyń baǵdarlamasy boıynsha eki aptalyq kýrs tizimine engizilgen. Sodan keıin oǵan qajetti qondyrǵylar satyp alý úshin nesıe alýǵa jol ashylady.
– Bul qarjy oǵan qondyrǵy satyp alýǵa qajet. Jigerli jannyń múgedektigine qaramastan óz isin ashýǵa qushtarlyǵy men yntalylyǵy tánti etedi. Onyń bıznesinde barlyq otbasy músheleri eńbek etetin bolady, – deıdi fılıal basshysy Tilek Naqpaev.
Satybaldy SÁÝIRBAI,
«Egemen Qazaqstan».
Aqtóbe oblysy,
Muǵaljar aýdany.