2013 jylǵy 29 qarasha, Astana qalasy
Qazaqstan Respýblıkasy Statıstıka agenttiginiń jáne onyń aýmaqtyq organdarynyń memlekettik qyzmetshileriniń qyzmet etıkasynyń qaǵıdalaryn bekitý týraly
«Qazaqstan Respýblıkasy memlekettik qyzmetshileriniń ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń 2 – tarmaǵyn jáne Qazaqstan Respýblıkasy Úkimetiniń 2004 jylǵy 31 jeltoqsandaǵy № 1460 qaýlysymen bekitilgen Qazaqstan Respýblıkasy Statıstıka agenttigi (budan ári Agenttik) týraly erejeniń 20-tarmaǵynyń 7) tarmaqshasyn oryndaý turǵysynda, buıyramyn:
1. Qosa berilip otyrǵan Agenttiktiń jáne onyń aýmaqtyq organdarynyń memlekettik qyzmetshileriniń qyzmet etıkasynyń qaǵıdalary bekitilsin.
2. Personaldy basqarý qyzmeti Agenttiktiń Zań departamentimen birge zańnamamen belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin ony 10 kúntizbelik kún ishinde buqaralyq aqparat quraldarynda resmı jarııalanýǵa joldasyn.
3) Osy buıryq Qazaqstan Respýblıkasy Statıstıka agenttiginiń Internet-resýrsynda mindetti jarııalanýdy qamtamasyz etsin.
3. Osy buıryqtyń oryndalýyn baqylaý Agenttiktiń jaýapty hatshysyna jáne aýmaqtyq organdardyń basshylaryna júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Tóraǵa Á. SMAIYLOV.
Qazaqstan Respýblıkasy Statıstıka agenttigi tóraǵasynyń
2013 jylǵy 29 qarashadaǵy № 283 buıryǵymen bekitilgen
Qazaqstan Respýblıkasy Statıstıka agenttiginiń jáne onyń aýmaqtyq organdarynyń memlekettik qyzmetshileriniń qyzmet etıkasynyń qaǵıdalary
1. Jalpy erejeler
1. Osy Qazaqstan Respýblıkasy Statıstıka agenttiginiń jáne onyń aýmaqtyq organdarynyń memlekettik qyzmetshileriniń qyzmet etıkasynyń qaǵıdalary (budan ári - Qaǵıda) «Qazaqstan Respýblıkasy memlekettik qyzmetshileriniń ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń 2-tarmaǵyna jáne jalpy qabyldanǵan moraldyq-etıkalyq normalarǵa sáıkes ázirlendi jáne Qazaqstan Respýblıkasy Statıstıka agenttiginiń jáne onyń aýmaqtyq organdarynyń memlekettik qyzmetshileri minez-qulqynyń negizgi standarttaryn belgileıdi.
2. Osy Qaǵıda Qazaqstan Respýblıkasy Statıstıka agenttiginiń (budan ári - Agenttik) jáne onyń aýmaqtyq organdarynyń memlekettik qyzmetshileriniń óz qyzmettik mindetterin oryndaý, áriptesterimen jáne azamattarmen qarym-qatynas jasaý barysyndaǵy minez-qulqynyń negizgi normalaryn anyqtaıdy.
3. Osy Qaǵıdanyń maqsattary:
1) Agenttiktiń jáne onyń aýmaqtyq organdarynyń memlekettik qyzmetshileri ózderiniń kásibı qyzmetin laıyqty oryndaýy, sondaı-aq memlekettik qyzmetshi bedelin, azamattardyń memlekettik organdarǵa senimin nyǵaıtýǵa járdemdesý úshin olardyń Qazaqstan Respýblıkasy memlekettik qyzmetshilerdiń minez-qulqynyń negizgi standarttaryn saqtaýy;
2) Agenttikte jáne onyń aýmaqtyq organdarynda qolaıly moraldyq- psıhologııalyq klımatty jasaý jáne qoldaý bolyp tabylady.
4. Agenttiktiń jáne onyń aýmaqtyq organdarynyń memlekettik qyzmetshileri:
1) statıstıkalyq qyzmetti júzege asyrý kezinde jalpy qabyldanǵan moraldyq-etıkalyq normalardy saqtaýy;
2) óz jumysynda adaldyq jáne adamgershilik tanytýy, kásibı qyzmetin júzege asyrý kezinde kishipeıil bolýy;
3) Agenttiktiń jáne onyń aýmaqtyq organdarynyń tıimdi jumysyn qamtamasyz etý úshin qyzmettik mindetterin adal jáne joǵary kásibı deńgeıde oryndaýy;
4) qyzmettik sýbordınasııany saqtaýy;
5) laýazymdyq mindetterin adal oryndaýǵa kedergi keltiretin, qandaı da bir jeke, múliktik (qarjylyq) jáne ózge de múddelerdiń áserimen baılanysty áreketterdi boldyrmaýy;
6) áriptesterine kómektesýi jáne bilimimen, tájirıbesimen bólisýi;
7) qaramaǵyndaǵy memlekettik qyzmetshilerge anyq oryndalmaıtyn tapsyrmalar bermeýi jáne olardyń qyzmettik mindetterinen tys tapsyrmalar oryndaýdy talap etpeýi;
8) qaramaǵyndaǵy qyzmetkerlerine qatysty qyzmettik joǵarlaýyna kedergi keltirýge, mansaptyq joǵarylaýy kezinde kásibı, iskerlik, jáne jeke qasıetterin ádil emes baǵalaý faktilerine jol bermeýi, adamdyq qadir-qasıetterin kemsitýge, dórekilik, jónsizdik tanytpaýy tıis;
9) qaramaǵyndaǵy memlekettik qyzmetshilerdiń óz fýnksııalaryn jáne mindetterin oryndaý barysyndaǵy bastamashylyǵyn qoldaýy jáne kótermeleýi;
10) óz jumys ýaqytyn tıimdi paıdalanýy jáne basqalardyń jumys isteýine kedergi keltirmeýi;
11) tikeleı basshyny habardar ete otyryp, jumysty oryndaýǵa kedergi keltiretin nemese qıyndyq týdyratyn sebepter men sharttardy joıý boıynsha sharalardy qabyldaýy;
12) Agenttiktiń jáne onyń aýmaqtyq organdarynyń laýazymy boıynsha joǵary turǵan memlekettik qyzmetshisine óziniń júris-turysymen etıka men iskerlik etıket normalary men qaǵıdalaryn jaqsy meńgergenin kórsetýi tıis.
5. Agenttiktiń jáne onyń aýmaqtyq organdarynyń memlekettik qyzmetshileri óz áriptesterine jáne basqa azamattarǵa qatysty qyzmettik minez-qulqynda:
1) jynysyna, jasyna, násiline, ultyna, tiline, áleýmettik, múliktik nemese otbasylyq jaǵdaıyna baılanysty kemsitýshilik sıpattaǵy pikir aıtýdan jáne is-áreketterden;
2) dórekilik, mensinbeıtin daýyspen, teris túsinik, zańsyz jáne jazyqsyz kiná artý;
3) shıelenisti jaǵdaı týǵyzatyn qorqytý, kemsitý sózderin aıtýdan bas tartýy tıis.
6. Agenttiktiń jáne onyń aýmaqtyq organdarynyń memlekettik qyzmetshileri azamattarmen qarym-qatynas kezinde sypaıy, kishipeıil bolýy kerek jáne azamattarda olardyń minez-qulyq mádenıeti jáne kásibıligi týraly jaǵymdy pikir qalyptastyrýǵa yqpal etýi tıis.
7. Agenttiktiń jáne onyń aýmaqtyq organdarynyń memlekettik qyzmetshileri Ar-namys kodeksimen belgilengen sybaılas jemqorlyqqa qatysty minez-qulyqty saqtaýy tıis.
8. Agenttikte jáne onyń aýmaqtyq organdarynda memlekettik qyzmetshilerdi jumysqa qabyldaý kezinde kemsitýshiliktiń kez-kelgen túrine jol berilmeıdi. Kadrlardy tańdaý jáne jyljytý Qazaqstan Respýblıkasynyń zańnamasyna sáıkes júzege asyrylady.
Buıryq Qazaqstan Respýblıkasynyń Ádilet mınıstrliginde 2013 jylǵy 23 jeltoqsandaǵy Normatıvtik quqyqtyq kelisimderdi memlekettik tirkeýdiń tizilimine №9013 bolyp engizildi.