Kolýmbııa okrýginiń densaýlyq saqtaý mınıstrligi mamyr aıynan beri maımyl sheshegi vırýsyn juqtyrýdyń 122 jaǵdaıy anyqtalǵanyn málimdedi, dep habarlaıdy Egemen.kz Breitbart News saıtyna silteme jasap.
Vashıngtonda maımyl sheshegi aýrýyna shaldyqqandardyń 96%-y er adamdar, kóp jaǵdaıda bul 30 jastan asqan er adamdar.
Osy ýaqytqa deıin Kolýmbııa okrýgi maımyl sheshegi vırýsyna qarsy 8300 vaksına aldy. Kelesi aptada taǵy 4 myń dozasy jetkiziledi dep josparlanýda. Vashıngton meri Mıýrıel Baýzer okrýgke 100 myń vaksına qajet ekenin aıtty.
Aýrýlardy qadaǵalaý jáne aldyn alý ortalyqtarynyń málimetinshe, AQSh-ta vırýs juqtyrýdyń 1 972 jaǵdaıy tirkelgen. Elde jan basyna shaqqandaǵy ınfeksııalar sany boıynsha Kolýmbııa shtaty kósh bastap tur. 18 shildedegi jaǵdaı boıynsha, tirkelgen jaǵdaılardyń eń kóp sany Nıý-Iorkte (521), Kalıfornııada (267), Florıdada (180) jáne Illınoısta (200) boldy.
Búginge deıin maımyl sheshegi álemniń 60-tan astam elinde anyqtalǵan.