Qazaqstan – barshamyzdyń ortaq Otanymyz

Memleket basshysy Nursultan Nazarbaevtyń atyna Qazaqstan halqy Assambleıasynyń XXI sessııasynyń ótýine baılanysty hattar men jedelhattar kelip tústi, dep habarlady Prezıdenttiń baspasóz qyzmeti. Memleket basshysynyń atyna eldiń túrli óńirleri azamattarynan  Qazaqstan hal­qy Assambleıasynyń XXI sessııasynan alǵan áserlerimen bólisken, júrgizilip otyr­ǵan tatýlyq pen kelisim saıasatyna qoldaý bil­dirgen, sondaı-aq, Memleket basshysyn jáne barlyq otandastardy Qazaqstan halqy­nyń birligi kúnimen quttyqtaǵan hattar kelip tústi. Qazaqstannyń orystar, slavıandar jáne kazaktar uıymdarynyń qaýymdastyǵy tóraǵasynyń orynbasary A. Kotenıov QHA-nyń XXI sessııasy budan arǵy jumys úshin jiger bergenin atap ótti. – Sizdiń «biz bárimiz – birtutas qazaq hal­qynyń ártúrli ári teń balalarymyz» degen sózińiz meniń júregimmen úndese ketti, – dep jazady avtor. Qazaqstan halqy Assambleıasynyń sessııasyna alǵash ret qatysqan Slavıan etnomádenı birlestigi  tóraǵasynyń orynbasary V.Jarınov óz hatynda sessııa «Qazaqstan-2050» Strategııasyn júzege asyrýdaǵy asa mańyzdy faktor  retinde tarıhta qalatyny týraly pikirin bildirgen. Sessııaǵa qatysqan Ońtústik Qazaqstan oblysy Saıram aýdanyndaǵy ózbek etno­mádenı birlestiginiń tóraǵasy P.Islamov ta óz kezeginde «Qazaqstan-2050» Strate­gııasyn júzege asyrýǵa, sonyń ishinde áleý­­mettik jobalar arqyly da qoldan kel­­geninshe úles qosýǵa ázir ekenin aıtqan. Qazaqstan halqy Assambleıasynyń sessııasyna óziniń alǵashqy qatysýynan alǵan áserlerimen Pavlodar oblysyndaǵy «Býkovına» rýmyn mádenı qoǵamy» QB tóraǵasy A. Dıak ta bólisedi. – Sessııada qazaqstandyqtardyń ár­qaısysy el taǵdyryna, ortaq shańyra­ǵy­myzdaǵy tatýlyq pen kelisimdi qam­tamasyz etýge, óz halqymyzdyń tilin, má­denıeti men salt-dástúrin jańǵyrtýǵa jaýapty ekenin aıryqsha sezindim, – delingen hatta. Qaraǵandy oblysyndaǵy «Lituanica» lıtva etnomádenı birlestiginiń tóraǵasy V.Tvarıonas Qazaqstan halqy Assambleıasy birligimizdiń irgetasy ekenin, al árbir sessııa azamattyq qoǵamdy damytýdyń jańa kezeńi bolyp sanalatynyn atap ótken. – Men Assambleıa jumysyn, onyń ma­ńy­zy men mánin jeke ózime jáne aınalamdaǵy qazaqstandyqtarǵa qatysty baǵalaımyn. Sizdiń jolyńyz bizdi halyq birligin saqtaýǵa degen zor qulshynys arqyly qoǵam men memleketti damytýdyń durys baǵytyna bas­tap kele jatqanyna senimdimin, – delingen hatta. Chehtardyń  aqtóbelik mádenı-aǵar­týshylyq ortalyǵynyń jetekshisi V.Pestrý dál osy QHA sessııasy  tárizdi aýqymdy sharalarda eldiń qanshalyqty baıtaq ekenin, etnostar men mádenıetterdiń áralýandyǵyn seziný múmkindigi týatynyn atap ótken. – Qazaqstan halqy Assambleıasy má­de­nıetter únqatysýynyń biregeı eýrazııa­lyq úlgisi bolyp otyr. Qazaqstan jahandyq konfessııaaralyq únqatysýdyń ortalyǵyna aınaldy. Bizder, QHA músheleri, respýblıka ómirine belsene qatysý múmkindigi úshin Sizge rızamyz,  –  dep jazady avtorlar. Taraz qalasynan «Altyn alqa» ıe­geri A.Dúısenbekova Qazaqstan halqy Assambleıasynyń XXI sessııasyn óz otbasymen birge úlken yqylaspen kórgenin aıtqan. Ol forýmnyń salıqalylyǵyn, ondaǵy jarqyn sózder men jyly shyraıly ahýaldy aıryqsha atap ótken. QHA múshesi S.Vıshnıak aıtqandaı, Memleket basshysy Assambleıa sessııasyn­da kóptiń kóńilindegi eń jyly jáne izgi sezimderdi qozǵap, olardyń kókeıine tatý­lyq, tynyshtyq jáne turaqtylyqqa degen úmit uıalatty. – Siz Qazaqstannyń, qazaq dalasynyń osynda ómir súrip jatqan barshamyzdyń meıirban Otanymyz ekenin taǵy da nyqtaı tústińiz. Pavlodar oblysynan aǵylshyn tiliniń muǵalimi Iý.Ott ózine Memleket basshysymen bir sahnada birge bolý jáne áńgimelesý múmkindigi buıyrǵanyn eske alady. – О́tken sessııa elimizdegi eń jarqyn sharalardyń biri boldy dep sanaımyn.  Bir shańyraq astynda barlyq ulttar men etnostar ókilderi basqosyp, dostyq, bir­lik týraly aıtty, umytylmas sátterdi bas­tarynan ótkerdi. Meniń oıymsha, Qazaq­stan qoǵamy óziniń parasattylyǵymen erekshelenedi, men onyń bir bólshegi ekenim úshin baqyttymyn, – dep jazady avtor.