Atyraý munaı óńdeý zaýytynda elektr energııasy sónip qalyp, sonyń saldarynan alaý órtendi, dep habarlaıdy Egemen.kz.
Zaýyttyń qoǵammen baılanys bólimi habarlaǵandaı, alaýdyń janýyna elektr enegrııasynyń óshýi sebep bolǵan.
«KEGOC» AQ elektr qýatyn jospardan tys toqtatyp tastady. Sonyń saldarynan Atyraý munaı óńdeý zaýytynda elektr qýaty sóndirildi. Osyǵan baılanysty zaýyt jumysy avarııalyq jaǵdaıda toqtatyldy. Tótenshe jaǵdaıdyń aldyn alý úshin syrtqy elektrmen jabdyqtaý júıesi tolyq turaqtanǵansha, zaýyttyń otyn jelisi tehnologııalyq reglamentke sáıkes alaý júıesine baǵyttalady. «KEGOC» AQ-nyń elektr berýdi toqtatýy jospardan tys bolyp otyr. Bul óndiristiń jumysyna keri áser etedi», delingen habarlamada.