Nur-Sultan qalasynyń áýejaıy aýmaǵyna jarylǵysh zat qoıyldy degen habar jalǵan bolyp shyqty, dep habarlaıdy Egemen.kz qalalyq polısııa departamentiniń baspasóz qyzmetine silteme jasap.
«28 shilde kúni saǵat 09:46-da «102» arnasyna avıasııalyq qaýipsizdik qyzmetinen áýejaıdyń elektrondy poshtasyna áýejaı aýmaǵynda qoldan jasalǵan jarylǵysh qurylǵysynyń qoıylǵany týraly habar kelip tústi. Quqyq qorǵaý organdary tekserý júrgizdi», delingen habarlamada.
Qalalyq polısııa departamentiniń málimetinshe, tekserý kezinde áýejaı aýmaǵynan jarylǵysh zat tabylmaǵan.
Sondaı-aq PD ókilderi bomba týraly jalǵan habar úshin qylmystyq jaýapkershilik bar ekenin eskertedi.