Tennısten juptyq syndaǵy Qazaqstannyń birinshi, álemniń 23-raketkasy Anna Danılına Varshavada (Polsha) ótip jatqan WTA 250 týrnıriniń shırek fınalyna shyqty.
Júlde qory 251,7 myń AQSh dollaryn quraıtyn WTA sanatyndaǵy BNP Paribas Poland Open jarysynda qazaqstandyq tennısshi germanııalyq Anna-Lena Frıdzammen birge jup qurap óner kórsetýde. Osy jarystyń 4-raketkalary bolyp tirkelgen Danılına men Frıdzam bastapqy kezdesýin nıderlandtyq Arıanna Hartono men aýstralııalyq Olıvııa Tıandramýlııamen ótkizdi. Qazaqstandyq-germanııalyq jup birinshi partııada myqtylyq tanytyp, 6:3 esebimen basym tústi. Ekinshi sette qarsylastary belsendi oınap, ese qaıtardy – 6:1. Sýper taı-breıkte Danılına men Frıdzamnyń mereıi ústem bolyp, jeńisti julyp aldy – 10:6.
Endi Danılına men Frıdzam týrnırdiń shırek fınalynda rýmynııalyqtar Aleksandra Ignatık pen Gabrıela Lımen kezdesedi.