ORAL. 5 mamyr. Keshe tańǵy saǵat 8-de jumysqa asyqqan oraldyqtar kútpegen jaǵdaıǵa kezikti, Shaǵan ózeni ústindegi qalanyń ortalyǵy men Shaǵannyń arǵy beti bóligin jalǵastyratyn jalǵyz kópir jabylyp, ishke kiretin jáne shyǵatyn júzdegen kólik ondaǵan shaqyrym kepteliste turýǵa májbúr boldy. Bul týraly egemen.kz tilshisi habarlady.
Oqıǵanyń bulaısha óris alýyna «Zenıt» zaýyty ókilderiniń bir qısynsyzdaý sheshimi sebep bolǵan sekildi. Iаǵnı, sol kúni zaýytta jasalǵan «Saryarqa» áskerı kemesi Shaǵan ózenine jetkizilýi tıis eken. Biraq, nege ekeni belgisiz, tasymaldaý ýaqyty týra tańǵy saǵat 8-ge belgilenip, nátıjesinde myńdaǵan adam jumysqa keshigip qalady.
Osydan keıin biz kásiporyn basshysymen habarlastyq. «Qaýipsizdik sharalaryn tolyq saqtaýǵa baılanysty kemeni ádettegideı keshkisin nemese túnde emes, kúndizgi saǵat 8-de ózenge tasymaldaýǵa týra keldi. Sondyqtan Shaǵan ózeni ústindegi kópir 20 mınýtqa jabyldy. Jol qozǵalysyna kelgen qolaısyzdyq úshin qala turǵyndarynan keshirim suraımyz», - dedi V.Hamzıev bizge bergen jaýabynda.
Temir Qusaıyn.
Derekkóz: egemen.kz.
Foto: www.volgomost.ru.