Sanaýly kúnderden keıin elordada dzıýdodan erler jáne áıelder arasyndaǵy Azııa chempıonatynyń shymyldyǵy túriledi. El astanasynda ótetin qurlyq birinshiliginde Qazaqstannan 18 sportshy óner kórsetedi.
Atap aıtar bolsaq, erler sapynda Maǵjan Shamshadın, Baýyrjan Narbaev (60 kg), Ǵusman Qyrǵyzbaev (66 kg), Erlan Serikjanov, Danııar Shamshaev (73 kg), Dıdar Hamza (90 kg), Nurlyhan Sharhan, Islam Bozbaev (-100 kg) jáne Ádil Orazbaev (+100 kg) el namysyn qorǵaıdy.
Al áıelder básekesinde Abıba Abýjaqynova, Ǵalııa Tynbaeva (48 kg), Gaýhar Ermaǵambetova (52 kg), Sevara Nıshanbaeva (57 kg), Móldir Narynova (63 kg), Anastasııa Maıakova (70 kg), Arýna Jangeldına (-78 kg) jáne Kamıla Berliqash pen Nazgúl Maratovaǵa (+78 kg) senim artamyz.
Aıta keterligi, IJF erejesi boıynsha, Azııa chempıonatynyń jeńimpazdary men júldegerlerine reıtıngtik upaı beriledi. Atap aıtqanda, jeńimpaz sportshy 700 upaı enshilese, 2-oryn ıegerine – 490, al qola júldegerge 350 upaı beriledi.