Qazaqstan aýmaǵynda naýqastarǵa kerek dári-dármek jetkilikti. Bul týraly Úkimet otyrysynda koronavırýstyń taralýyna jol bermeý taqyrybyn talqylaý kezinde Densaýlyq saqtaý mınıstri Ajar Ǵınııat aıtty, dep habarlaıdy Egemen.kz.
«Naýqastarǵa kerek dári-dármek jetkilikti. Aýrýhanalarda dári-dármektiń 16 ataýy boıynsha eki aılyq qory qamtamasyz etildi. Al emhanalar men ambýlatorııalarda 1,3 mlrd teńgeden astam somaǵa dári satyp alynyp, qor jasaqtaldy. Bul óz kezeginde 80 myń pasıentke jetkilikti», dedi A. Ǵınııat.
Onyń aıtýynsha, qosymsha biryńǵaı dıstrıbıýtor qoımalaryna 4 mlrd teńgege dári-dármek alyndy.
«Mınıstrlik dári-dármek, vaksınamen qamtamasyz etýdi turaqty baqylaýynda ustap otyr», dedi vedomstvo basshysy.