Parlamenttik tyńdaý

Onda ekonomıka salasyna kadrlar daıyndaý máselesi talqylanady 16 mamyrda Parlament Májilisinde «Tehnıkalyq, kásiptik jáne joǵary bilim berý júıesinde ekonomıka salalary úshin kadrlar daıarlaýdyń sapasy men perspektıvalary» taqyrybynda parlamenttik tyńdaý ótedi, dep habarlady Májilistiń baspasóz qyzmeti. Sharanyń bastamashysy jáne uıymdastyrýshysy palatanyń Áleýmettik-mádenı damý komıteti. Komıtet tóraıymy Gúlnár Yqsa­no­vanyń atap ótkenindeı, ekonomıka salasyn kásibı mamandarmen qamtamasyz etýge qatysty sheshimin tappaǵan máseleler osy sharaǵa túrtki bolyp otyr. Olardyń qatarynda mamandardy daıyndaý deńgeıi, aýyl sharýashylyǵy, óner­kásip, eńbek naryǵynda teńge­rim­sizdikti joıý, jumysshy jáne ınjener-tehnıkalyq kadr­lardy daıyndaý, bilim baǵdar­la­malarynyń ekonomıka sura­ny­symen sáıkestiligi, basqa da má­selelerdi atap ótýge bolady. Talqylaýǵa mınıstrlikter, ulttyq kompanııalar basshylary, jumys berý qaýymdastyǵy ókilderi, JOO rektorlary, kásibı jáne tehnıkalyq bilim berý uıymy dırektorlary shaqyrylǵan. Parlamenttik tyńdaý qory­tyndysy boıynsha tıisti usynystar qabyldaý josparlanýda.